Egjipti është kombëtarja e tretë afrikane që ka siguruar zyrtarisht kualifikimin për në Kampionatin Botëror 2026, pas një fitoreje bindëse 0-3 ndaj Djiboutit në ndeshjen e zhvilluar në Casablanca.
Protagonisti kryesor i sfidës ishte Mohamed Salah, i cili realizoi dy gola, duke udhëhequr skuadrën drejt një suksesi të lehtë. Me këtë triumf, “Faraonët” sigurojnë pjesëmarrjen e katërt në një Botëror, duke vazhduar traditën e tyre në arenën ndërkombëtare.
Nga Afrika më herët e kanë siguruar kualifikimin edhe Maroku dhe Tunizia, ndërsa me Egjiptin, numri i ekipeve të konfirmuara për Kupën e Botës 2026 shkon në 19-të.
Përveç tre vendeve organizatore, Kanada, Meksikë dhe Shtetet e Bashkuara të Amerikës, pjesëmarrjen e kanë siguruar gjithashtu Maroku, Tunizia, Jordania, Uzbekistani, Irani, Japonia, Koreja e Jugut, Australia, Brazili, Argjentina, Kolumbia, Uruguai, Ekuadori, Paraguai dhe Zelanda e Re.
Komente
