Legjenda e futbollit italian, Gianluigi Buffon ka dhënë një intervistë për mediet në prag të Euro 2024. I punësuar si trajneri i portierëve në kombëtaren e Italisë, Buffon ka thënë se Italia ka një ekip të mirë, por janë të nënvlerësuar.
"Sipas opinionit tim, Italia ka një ekip të shkëlqyer, ne jemi të nënvlerësuar. Jam i sigurt që kemi 3-4 lojtarë të nivelit të madh. Pastaj kemi edhe një avantazh të shtuar, trajneri Spalletti. Ai ka arritur të transmetojë te ekipi një ndjenjë të madhe përgjegjësie.
Nuk po them që ne do ta fitojmë Europianin, por e them me siguri që nuk do të dështojmë. Nëse e fillon Europianin me frymën e gabuar, është e mira që të mos marrësh pjesë fare në kompeticion.
Ne kemi shumë pozitivitet dhe jemi optimistë. Ne gjithashtu duhet t’i shikojmë gjërat që nuk janë në rregull. Nëse arrijmë t’i ndreqim këto detaje të vogla, do të jemi një ekip për t’u pasur frikë", tha Buffon.
Në Grupin B të Euro 2024, Italia rivalizon me Shqipërinë, Kroacinë dhe Spanjën.
