Njëzet e tre parti politike i shpëtojnë përjashtimit nga zgjedhjet parlamentare të 2021, pasi kanë kthyer paratë e përfituara tepër nga buxheti i shtetit, për zgjedhjet lokale të 30 qershorit 2019. Nga 28 parti në total, të cilat morën një rezultat negativ në zgjedhjet e fundit në raport me fondet shtetërore që përfituan para fushatës, 23 subjekte kanë përmbushur detyrimin ligjor, duke kthyer paratë brenda 90 ditëve në KQZ, duke i shpëtuar ndëshkimit. Lista kryesohet nga Fryma e Re Demokratike, me në krye Bamir Topin, e cila ka kthyer 2.279.233 lekë, e ndjekur nga Partia Balli Kombëtar, me në krye Adriatik Alimadhin, e cila ka kthyer 1.434.666 lekë.
Përjashtimit nga zgjedhjet e ardhshme kanë shpëtuar edhe Partia Bashkimi Liberal Demokrat, me kryetar Arian Starovën, e cila ka kthyer 1.314.104 lekë, Partia Ora e Shqipërisë, me në krye Zef Shqefni, që ka kthyer 1.090.435, Partia Socialiste e Moderuar me kryetar Gjergji Koja, Partia Kristian Demokrate me kryetar Dhimitër Muslia etj.
Ndërkaq, Partia Kombëtare Konservatore Albania me kryetar Kujtim Gjuzin, Partia Aleanca Arbnore Kombëtar me kryetar Gjet Ndoj, Partia Aleanca për Demokraci dhe Solidaritet me kryetar Gaqo Apostolin, Partia e Pajtimit Kombëtar me kryetar Spartak Bodin dhe Partia Demokrate për Integrim dhe Prosperitet me kryetar Kujtim Muçën nuk kanë kthyer paratë dhe për rrjedhojë janë përjashtuar nga pjesëmarrja në zgjedhjet e 2021.
Nga ana tjetër, Partia Bindja Demokratike, me kryetar Astrit Patozin, është shpërblyer nga KQZ me 1.638.191 lekë, për shkak të rezultatit pozitiv në zgjedhjet e fundit. Partia Socialiste ka përfituar 9.098.081 lekë shtesë, Partia Socialdemokrate e Shqipërisë 161.363 lekë etj. KQZ u jep partive para paradhënie që të përballojnë fushatën zgjedhore. Por, sipas ligjit zgjedhor, nëse partitë marrin me pak se 0,5 për qind të votave në zgjedhjet radhës për të cilat kanë marrë paratë ose marrin më pak vota se sa në zgjedhjet paraardhëse, duhet të kthejnë diferencën e parave.
Partitë që kthyen paratë në KQZ duke i shpëtuar përjashtimit nga zgjedhjet e 2021
Fryma e Re Demokratike, 2.279.233
Partia Balli Kombëtar, 1.434.666
Partia Bashkimi Liberal Demokrat, 1.314.104
Partia Ora e Shqipërisë, 1.090.435
Partia Socialiste e Moderuar, 790.036
Partia Aleanca Demokratike Shqiptare, 567.220
Partia G99, 523.741
Partia Kristian Demokrate, 496.426
Partia Personat me Aftësi të Kufizuar, 162.500
Partia Demokracia e Re Europiane, 162.500
Partia për Mbrojtjen e të Drejtave të Emigrantëve, 162.500
Partia Komuniste e Shqipërisë, 162.500
Partia Aleanca e Maqedonasve për Integrim Europian, 162.500
Partia e të Drejtave të Mohuara, 162.500
Partia Aleanca për Barazi dhe Drejtësi Europiane, 162.500
Partia Minoriteti Etnik Grek për të Ardhmen, 162.500
Partia Lëvizja Punëtore Shqiptare, 162.500
Partia Aleanca Kuq e Zi, 162.500
Partia Emigracionit Shqiptar, 162.500
Partia për Mbrojtjen e të Drejtave të Punëtorëve të Shqipërisë, 162.500
Partia për Liri Demokraci dhe Etikë, 162.500
Partia Unitetit Kombëtar, 133.904
Partia Aleanca Demokristiane e Shqipërisë, 97.790
Pesë partitë e përjashtuara nga zgjedhjet e 2021 pasi nuk kthyen paratë
Partia Aleanca Arbnore Kombëtar, kryetar Gjet Ndoj, detyrimin 441.688 lekë
Partia Aleanca për Demokraci dhe Solidaritet, kryetar Gaqo Apostoli, detyrim 514.910 lekë
Partia e Pajtimit Kombëtar, kryetar Spartak Bodi, detyrimi 162.500 lekë
Partia Demokrate për Integrim dhe Prosperitet, Kujtim Muça, detyrimi 162.500 lekë
Partia Kombëtare Konservatore Albania, kryetar Kujtim Gjuzin, detyrimin 162.500 lekë
Partitë që u shpërblyen nga KQZ për shkak të rezultatit pozitiv në zgjedhjet e 2019
Partia Socialiste e Shqipërisë, 9.098.081 lekë
Partia Bindja Demokratike, 1.638.191 lekë
Partia Demokracia Sociale, 429.508 lekë
Partia Ardhmëria Shqiptare, 284.266 lekë
Partia e Reformave Demokratike Shqiptare, 251.615 lekë
Partia e Gjelbër, 223.314 lekë
Partia Socialpunëtore Shqiptare, 197.815 lekë
Partia Socialdemokrate e Shqipërisë, 161.363 lekë
Komente
U q... robt me gjithe ketoj soj e sorrollop Partish qe keni
Përgjigju