TIRANË- Komisioni Qendror i Zgjedhjeve i hoqi sot Fredi Belerit mandatin e kryetarit të Bashkisë së Himarës, të cilin nuk e ushtroi asnjë ditë. I dënuar me 2 vite për korrupsion zgjedhor nga Apeli i GJKKO, kryekomisioneri Ilirjan Celibashi shpalli pavlefshmërinë e mandatit.
'Jemi në kushtet e humbjes së mandatit të kryetarit të Bashkisë Himarë, Fredi Beleri dhe e shpallim të pavlefshëm këtë mandat", tha Celibashi, kreu i KQZ-së.
Beleri u lejua të merrte pjesë vetë në mbledhje, ndërsa u soll i lidhur me pranga me njërin prej oficerëve të policisë që e shoqëroi në KQZ. Report Tv siguroi pamjet ekskluzive të momentit të mbërritjes së tij në KQZ. Brenda 30 ditëve, Beleri ka kohë të ankimojë vendimin në KAS, ndërsa Vangjel Dule paralajmëroi se do të ndjekin çdo procedurë për ta vijuar më tej betejën ligjore.
Beleri nga burgu në KQZ
Për Belerin ishte vullneti politik që e la të dilte nga burgu i Fierit, i njëjti që e ndaloi të shkonte, siç tha ai 2 orë në Himarë për të bërë betimin pasi qytetarët e Himarës e kishin votuar në zgjedhjet e 14 majit 2023 për të drejtuar bashkinë. Që s’mund të jetë më kryebashkiak i Himarës e Beleri e kishte të qartë prej fillimit.
“Dikush do të nxjerrë gështenjën nga zjarri me duart e KQZ. Siç erdha sot këtu, mund të kisha shkuar 2 orë në Himarë. Këtë leje mund ta merrja fare thjesht për të bërë betimin. Unë duhet të betohem dhe të më shkarkojë. Është e qartë se mandati im si kryetar bashkisë së Himarës ka mbaruar”
Vangjel Dule, kreu i PBDNJ që ndoqi nga afër mbledhjen e quajti një përdorim të KQZ nga Rama për të mbyllur një proces politik, ndërsa për Kryeministrin kishte një mesazh.
“Cilido nga qytetarët e regjistruar si zgjedhës do të jetë fitues ndaj çdo kandidati dhe ndaj vetë z, Rama”, tha Dule.
Disktumi në mbledhje
Beleri tha se ishte vullneti politik që e lejoi të vinte në KQZ por i ndaloi betimin. I vetëdijshëm se mandati i tij si kryetar i bashkisë së Himarës ka mbaruar Beleri propozoi që çështjen ta zgjidhë Gjykata Kushtetuese.
"Ata që vendosën rrëmbimin e bashkisë së Himarës e nuk duan që himariotët të shprehen duhet t’i lini të pijnë gotën e helmit deri në fund. Jam i qartë që mandati im si kryetar bashkie ka mbaruar por duket qartë arroganca e tyre që ti bëjnë votimet në gusht. Pse KQZ ti bashkohet kësaj kërkesë. Kam frikë se gjysma e bashkisë do të verë në burg. Drejtoju Kushtetueses ta zgjidhë një herë e mirë këtë" tha Beleri.
Ligjshmëria e procedurës së ndjekur u kundërshtua nga përfaqësuesit ligjorë të Belerit, të cilët kërkuan shkarkim nga ana e Kryeministrit, ndërsa Celibashit i thanë që s’ka kompetencë.
"Procedura e ndjekur nga KQZ konfuze. Nuk ka qartësi, jeni vendosur në lëvizje kryesisht, apo nga një individ. Sipas projektvendimit rezulton te jetë në lëvizje nga shtetasi Eugen Likaj. Nuk ka asnjë të dhënë ku banon, me çfarë cilësie i drejtohet KQZ, mosha, s’ka as kartë identiteti. Firmat e zgjedhësve të tjerë që ti drejtohet KQZ. Pr.vendimi s’ka dispozita të caktuara që të na jepet mundësia të kuptojmë. KQZ vendoset në lëvizje nga një shtetas vetëm ne periudhë zgjedhore, nuk jemi.
S’ka asnjë depozitë të Kodit Zgjedhor që i jep të drejtë që në këtë fazë që është procesi i Belerit nga ana e KQZ të merren iniciativa të tilla. KQZ mund të kryejë verifikim të tillë vetëm bazuar në të dhënat e formularit të dekriminalizimit asnjë e dhënë jashtë formuarit s’mund të merret në verifikim nga KQZ, procedura është e pavlefshme, keni kaluar kompetencat që u parashikon ligji, kërkojmë pushimin e procedurës", tha avokatja Klodiana Gjyzari.
Përfaqësuesi ligjir i PD-së Ivi Kaso thotë se duhej Rama ta bënte shkarkimin.
"Rama do të shmangë shkarkimin ose maxhoranca ka dashur tja bëjë dhuratë ramës për 60 vjetor heqjne e mandatit përmes jush" tha Kaso.
Përfaqësuesi ligjor i PS, Eridian Salianji tregon se kur do të ishte kompetencë e Ramës shkarkimi.
"Proces automatik në momënetin që ka dalë vendimi i Apelit. Rasti më tipik kur të gjithë palët nuk mund të diskutonin për thelbin dhe procedurën. Dhe KQZ me vendimin e apelit që ka marrë dijeni ditën e premnte mund ta kishte konstatuar që në atë moment. Në interepretim të ligjit të dekriminalizimit, KQZ ka të drejtën për ta ndërprerë mandatin për kryetarin e Bashkisë Himarë dhe të njoftojë organet për shpalljen e zgjedhjeve. Nëse do të ishte bërë betimi dhe do kishte nisur detyrën, atëherë Rama mund të bënte shkarkimin, tha Salianji.
Arrestimi i Belerit
Fredi Beleri u arrestua në flagrancë teksa bënte pazare për votat vetëm 2 ditë para zgjedhjeve vendore të 14 majit të 2023. Ai i fitoi zgjedhjet nga burgu me një diferencë të lehtë votash, më pak se 20 vota, por për shkak të arrestit nuk mundi të ulej asnjë ditë në karrigen e kryebashkiakut dhe as të bënte betimin. Mandatin vijoi ta mbante kryebashkiaku në detyrë Jorgo Goro deri më 23 mars, kur po ashtu u arrestua me urdhër të SPAK pas një kallëzimi që Fredi Beleri kishte bërë për të për pronat në Himarë. Më pas detyrën e drejtimit të bashkisë e mori përkohësisht Blerina Bala ndërsa aktualisht Himara drejtohet nga nënkryetari i Bashkisë Arqile Bollano.
Lidhur me vendimin e sotëm të KQZ për heqjen e mandatit të Fredi Beleri si kryebashkiak i zgjedhur i Himarës, ka reaguar edhe Ministria e Jashtme e Greqisë.
Në një komunikatë zyrtare për shtyp, ministria e Punëve të Jashtme greke shpreh shqetësimin e saj për këtë vendim, që nuk e lejon Belerin të jetë kryebashkiak i Himarës, ndërsa nga ana tjetër kërkon që Beleri të lejohet të jetë pjesë e seancës së parë plenare në Parlamentin Europian.
'Vendimi i sotëm i Komisionit Qendror të Zgjedhjeve të Shqipërisë për të skualifikuar Fredi Belerin pa u bërë as edhe betimi i kryebashkiakut të Himarës është një praktikë e re dhe përfundimi i parashikuar i një procesi me shumë pikëpyetje në lidhje me parimet themelore të shtetit ligjor.
Greqia kishte shprehur me kohë shqetësimin e saj të fortë për heqjen e prezumimit të pafajësisë, integritetin e procesit të provës, ndalimin e sharjes dhe dënimin shpërpjestimor të vendosur, si dhe faktin që Bashkia e Himarës qeveriset prej një viti nga persona të paautorizuar.
Ministria e Punëve të Jashtme rithekson detyrimin e autoriteteve shqiptare për të marrë të gjitha masat e nevojshme për t'i mundësuar menjëherë z. Beleri, tashmë deputet i zgjedhur në Parlamentin Europian, të marrë pjesë në punën e tij, duke filluar nga Seanca e parë plenare më 16 korrik në Strasburgu.'
KQZ konstatoi pavlefshmërinë e mandatit të Fredi Belerit si kryebashkiakut i zgjedhur i Himarës. Në mbledhjen e sotme, ku nga Partia Demokratike kishte akuza se KQZ po përdoret nga Rama, kryekomisioneri Ilirjan Celibashi u kujdes të theksojë se nuk i shërbejnë askujt dhe në këtë proces nuk është futur për të prishur apo dëmtuar interesat e dikujt.
Avokatja mbrojtëse Belerit thonte se nuk është kompetencë e KQZ që të verifikojë mandatin e Belerit në kushtet kur ai është zgjedhur. Por, Celibashi iu përgjigj qartë që kjo është një kompetencë që i takon KQZ në bazë të ligjit për dekriminalzimin dhe më pas shpalli pavlefshmërinë e mandatit.
Ky proces administrativ dhe vendimmarrja që do ta pasojë nuk kanë asnjë nxitje jashtë asaj që KQZ e nxit ligji për dekriminalizimin, kodi zgjedhor dhe kushtetuta. Secila prej palëve në këtë shqyrtim mund të kenë gjykimet dhe vlerësimet e tyre, por është fakt i pakundërshtueshëm që në këtë proces KQZ nuk është futur as për ti shërbyer dikujt dhe as për të prishur dhe dëmtuar interesat e dikujt. E bëj këtë sqarim, edhe kur dihen gjërat është mirë të thuhen sepse konsolidon opinionin e atyre që e kanë këtë opinion, por ndoshta i bën të cedojë në opinionin e kundërt të tjerët. S’kemi pse ta fshehim gjithë ngarkesën që mban kjo çështje. Duke qenë një çështje që ka rëndësinë që ka, pa e përkufizuar, në fund ngelet ajo që sa në përputhje me ligjin është kjo vendimmarrje.
KQZ është kompetente për ta zhvilluar këtë proces administrativ. Dëshira për t’u marrë nuk buron nga asgjë tjetër, veçse imponohet nga ligji. Në këtë proces administrativ, KQZ ka respektuar të njëjtat procedura, afate dhe ka zhvilluar të njëjtin proces si në qindra raste të tjera. Kemi shytuar raste të tjera, edhe pse rasti i Belerit dallon në thelbin ligjor. Duke e konsideruar të pranuar në gjykimin tim të drejtën e KQZ për t’u marrë me këtë çështje, vijmë te thelbi, bazueshmëria e pretendimet për pavlefshmëri të mandati të kryetarit të bashkisë së Himarës, Belerit. Ligji për dekriminalizimin ka si qëllim të ndalojë dh e të largojë, ata funksionarë, por edhe ata që e kanë marrë funksionin, në kushtet kur kanë kryer vepra penale të caktuara. Në rastin kur kandidon kompetenca e KQZ është e qartë. Diskutimi ngelet nëse një person i cili e ka marrë këtë funksion publik gjatë ushtrimit të detyrës kryen një vepër penale dhe dënohet, a është ky ligj që vepron ndaj këtij personi, po apo jo? Ky është diskutimi që ngritët.
Nuk është çështja e KQZ ca bëjnë institucionet e tjera, qeveria, kryeministri. Është përgjegjësia e tyre. Vendimmarrja e KQZ nuk është e kondicionuar nga se çfarë bëjnë institucionet e tjera, vendimmarrja e KQZ përcaktohet në këtë rast nga ligji për dekriminalzimin. Kemi një kryetar bashkie të zgjedhur që nuk e ka ushtruar detyrën. Për KQZ, kjo s’ka rëndësi në kuptim të ligjit. Mund të ishte edhe në kushtet kur ushtronte detyrën. Kur verifikohet që ka kryer një vepër penale a e ka kompetencën KQZ për ta zhvlerësuar këtë mandat? Po, e ka të drejtë dhe këtij ligji i nënshtrohen më shumë akoma ata të cilët e kanë marrë ata detyrë. Ty ligji të ndalon të mos kandidosh në disa kushte dhe ta ushtrosh kur verifikohen kushtet e ndalimit. Jemi në kushtet e humbjes së mandatit të kryetarit të Bashkisë Himarë, Fredi Beleri dhe e shpallim të pavlefshëm këtë mandat.
I pranishëm në mbledhjen e KQZ ku po verifikohet mandati i Fredi Belerit si kryetar i zgjedhur i Bashkisë së Himarës. Dule tha se kjo mbledhje është përmbyllja e një procesi politik të nisur më 6 maj 2023 për uzurpimin e Himarës. Dule akuzoi Ramën se është iniciuesi i këtij procesi dhe se tani kërkon të fshehë fytyrën dhe të vendosë vulën e KQZ.
"Sot jemi para një tentative për të përmbyll një proces politik që ka nisur më 6 maj 2023. Synimi i këtij procesi ishte uzurpimi i bashkisë së Himarës nëpërmjet nëpërkëmbjes së vullnetit të sovranit. Kjo nisi me një autorësi, Kaso me të drejtë tha se këtij procesi kërkohet që ti fshihet fytyra dhe ti falet dikujt tjetër autorësia. Është bërë e qartë gjatë këtyre 14 muajve se subjekti që kishte vënë për qëllim dhe do të përmbyllë misionin e rrëmbimit të Himarës është PS dhe Rama. Belerit i është privuar e drejta elementare të zgjedhë, nuk i është dhënë më 14 maj si gjithë qytetarëve dhe të burgosurve dhe të paraburgosurve, i është privuar e drejta të shprehë vullnetin e tij, s’ka votuar. I është privuar e drejta të zgjidhet. Në një kohë edhe ju si hallka më e rëndësishme që keni dhënë pëlqimin e tij, nuk është përmbushur detyrimi kushtetues që të zgjidhet duke marrë përsipër detyrën që i ka kërkuar sovrani. Njëherësh i janë privuar të dyja të drejtat, edhe të zgjedhë dhe të zgjidhet. Komunitetit të Himarës i është privuar e drejta kushtetuese të zgjedhë përfaqësuesin e vet. Himara prej 14 muaj drejtohet në mënyrë abuzive. Sot drejtohet një kryetar i komanduar i cili është komandim i një ish-nënkryetareje të komanduar. Kemi të bëjmë me zinxhir shkeljesh. Beleri është arrestuar me pretendimin ën flagrancë, në një kohë që provohet se nuk kishte flagrancë. Ishte me avokatin dhe të afërmin e tij. Belerit i është privuar liria me një dëshmi penaliteti të falsifikuar. Beleri dënohet me vetëm një dëshmitar që jep dëshmi kontradiktore. Për realizmin e misionit politik të rrëmbimit të Himarës dhe implementimin e projektit uzurpues të rrëmbimit të pronave në Himarë u shkel ligji, u përdorën shumë institucione për të humbur autorësinë. Rama kërkon ti vërë vulën e KQZ. Ruajeni integritetin, imazhin dhe nderin e këtij institucioni që është garanti i votës së lirë dhe përbën themelin e sistemit tonë demokrati. Nëse edhe ju bëheni palë të humbjes së gjurmëve të këtij procesi do jetë thjesht hallka e përdorur institucionale", tha Dule.
KQZ shqyrton sot mandatin e Fredi Belerit, kandidat i zgjedhur për Himarën në zgjedhjet e 14 majit 2023, por i dënuar me 2 vite burg nga Apeli i GJKKO-së pasi u deklarua fajtor për blerje vote.
"Duket qartë që nuk ka bazë ligjore për shqyrtimin. Dikush do të nxjerrë gështenja nga zjarri me duart e KQZ-së. Institucioni që ju drejtoni ka ruajtur nderin e këtij shtetit, të gjitha institucionet e tjera janë bërë pjesë e paligjshmërisë për mua dhe banorëve të Himarës që më votuan për të drejtuar.
Sic erdha këtu mund të kisha vajtur dy orë në Himarë për tu betuar. Vullnet politik ishte sot, përvec dashamirësisë dhe kërkesës tuaj. Drejtoria e burgjeve në varësi të kryeministrit dhe ministrit të Drejtësisë më dha lejen. Këtë fare thjesht mund ta mirrja për të bërë betimin. Ata që vendosën rrëmbimin e bashkisë së Himarës e nuk duan që himariotët të shprehen duhet t’i lini të pijnë gotën e helmit deri në fund. Unë duhet të betohem e të më shkarkojnë. Jam i qartë që mandati im si kryetar bashkie ka mbaruar por duket qartë arroganca e tyre që ti bëjnë votimet në gusht. Pse KQZ ti bashkohet kësaj kërkesë. Kam frikë se gjysma e bashkisë do të verë në burg. Drejtoju Kushtetueses ta zgjidhë një herë e mirë këtë" tha Beleri.
Përfaqësuesi i Partisë Demokratike, Ivi Kaso thotë në mbledhjen e KQZ se ky institucion nuk ka kompetencën për t’ia hequr mandatin si kryebashkiak i zgjedhur i Himarës. Kaso tha se kjo nuk është një patate e nxehtë që mazhoranca kërkon t’ia kalojë KQZ, por sipas tij duhet të jetë Këshilli i Ministrave që ta shkarkojë nga detyra një person të dënuar me vendim të formës së prerë. Me Ironi, Kasi tha se kërkonin që t’ia bënin dhuratë Ramës heqjen e mandatit të Belerit për 60-vjetor.
“Nuk është kjo një patate e nxehtë që duan t’ia kalojnë KQZ këta të PS e mos të merren. Mazhoranca duhet të vërë fytyrën që pas vendimit të formës së prerë. Rama duhet të marrë përgjegjësinë ta shkarkojë dhe të thotë që kemi të bëjmë me një person që është i dënuar. Mazhoranca s’do ta bëjë, se kanë ngut të bëjnë zgjedhjet në Himarë. Apo mazhoranca ka pasur ndonjë dëshirë t’ia bënin heqjen e mandatit dje Ramës dhuratë për 60-vjetor. KQZ duhet të ndjekë rrugën ligjore”, tha Kaso.
Komente
/LORA/,keshtu mendoni ju?! Problemi eshte se skilet greke nuk heqin dore nga synimet e tyre dhe akoma mund te kene ndonje As nen menge qe mund t'a perdorin si Kalin e Trojes se rradhes per kete ceshtje,e kam fjalen per Petro Belerin, te birin e F.Belerit qe mund te vihet kandidat ne Himare dhe qe dihet se cfare perfaqeson.S.d.q ,edhe sikur te mos jete ky,cdo emer i propozuar nga treshja Berisha-Meta-Dule duhet pare me kujdes e dyshim,sepse prej ketyre te treve vetem probleme ka ne Himare.
PërgjigjuLajm shume i mire; u shkermoq perfundimisht intriga antishqiptare,thurur nga s.b ; i.m dhe qarqet me te zeza greke. Bashkia e Himares meriton patriotet per drejtim.
PërgjigjuPo cfare dreqi kerkojne keta te ashtuquajtur greke ne Shqiperi? Te shkojne ne Greqi dhe te bejne atje politik dhe te hapin disa shkolla shqipe atje.
PërgjigjuO Dule kokecallanguri Nguliteni ne mendje Himara eshte Zemra e Laberise jeni juve qe e keni uzurpuar ,,, po juve do perzen nga toka shqiptare duhet te rrini matan çamerise..
PërgjigjuGoten e elmit pije ti mor kriminel,ndaje per gjysem me Avdullain se mos behet xheloz per sakrificen e heroit te helenizomit!! Sa do te hiqesh ti mor ditezi, se bashku me Avdulla Vangjelin,per greket gjithe jeten do te ngeleni gjys opinga!!
PërgjigjuAlfred(s) bejleri(s) hero I helenizmit hahahah.po ska Progonati grek QE te Jet Fredi o pjeter
Si ka mundësi që një kriminel si kyAlfred Bejleri kërcënon një shtet të tërë jo po me gota helmi etj...,dhe asnjë 'atdhetar'nuk bëhet i gjallë?
PërgjigjuO keqeze e koruptu o maskarenje po cpune ka ai aty perse i jepni njgjyra nja maskarai po ti je dhe jurist e di perceturen penale o ilirjane apo ke hallin e kunatit turp te te vi dhe mbase e shoqerone dhe ti me te ne nje dhome
Përgjigju