Tirane- Burime bënë të ditur për “Frontline Interview’ në Report Tv se transformimi i qendrës së Urdhrit Botëror Bektashi në një shtet sovran brenda kryeqytetit shqiptar nuk është një nismë ‘rrufe në qiell të hapur"
‘Frontline’ ka mësuar se kjo nismë ka qarkulluar, e përpiluar në një dokument që prej mandatit të dytë të qeverisjes Rama.
“Pra komuniteti Bektashinj e ka përpiluar dhe ka kërkuar që parlamenti të mund ta marrë në shqyrtim” bëri të ditur sot gazetarja Marsela Karapanço.
Nuk dihet çfarë ka ndodhur më pas, por nisma e kryeministrit u mësua nga publikimi në një shkrim në gazetën “New York Times” më 21 shtator, ndërsa një ditë më pas Rama e deklaroi publikisht dhe në fjalën e tij në takimin “Samiti i të ardhmes”, i mbajtur në Asamblenë e përgjithshme të Kombeve të Bashkuara në New York.
Selia Botërore e Bektashinjve e quan “nismë të jashtëzakonshme” që sipas saj do të sjellë “një epokë të re për tolerancën fetare globale dhe promovimin e paqes”.
'Shteti i Urdhrit Bektashi' ka ndezur debate pro dhe kundër. Ka debate edhe nga pikëpamja ligjore, duke qenë se dhënia e sovranitetit për Shtetin bektashi bie ndesh me Kushtetutën shqiptare e cila parashikon në Nenin 1 të saj se “Republika e Shqipërisë është shtet unitar dhe i pandashëm.
