Përpos hapjes së zyrave të bashkëqeverisjes dhe të regjistrimit të anëtarësisë në këtë platformë, Asambleja Kombëtare e PS, në fillim të muajt janar, u la kryetarëve të degëve të PS edhe një detyrë tjetër të rëndësishme, në kuadër të përgatitjeve për zgjedhjet lokale. Detyra konsistonte në shtimin e efektivit të Partisë Socialiste me 30 mijë anëtarë të rinj. Ky objektiv duhej të përmbushej në periudhën janar-tetor 2018. Në mbledhjen e radhës së Asamblesë Kombëtare të PS, mbajtur ditën e shtunë, Sekretari i Përgjithshëm i Partisë Socialiste, Taulant Balla, paraqiti një raport me rezultat e secilës degë sa i takon përqindjes së anëtarësimeve të reja, për periudhën janar-22 prill 2018. Deri në 22 prill 2008 janë bërë vetëm 2057 pranime të reja në PS, shumë larg objektivit. “Realizimi i këtij objektivi i obligon strukturat e partisë që anëtarësimet e reja në parti këtë vit të përbëjnë një nga drejtimet kryesore të veprimtarisë së tyre që anëtarësimet e reja të bëhen çdo ditë, çdo javë, nga të gjithë dhe kudo, që puna me anëtarësimet e reja të jetë me objektiva konkrete dhe me bilance javore e mujore. Sipas informacioneve të kryetarëve të partisë të 61 bashkive, rezulton se për periudhën janar-22 prill 2018, janë bërë gjithsej 2057 pranime të reja. Në bashkitë Berat, Kuçovë, Skrapar, Vau i Dejës, Blesh dhe Patos rritja e anëtarësisë është 7-10 %, në nivelin e objektivit të përcaktuar. Në bashkitë Has, Lezhë, Mirditë, Bulqizë, Vlorë, Rrogozhinë, Elbasan, Ura Vajgurore dhe Himarë, anëtarësia është rritur me 4-5 %. Në 11 bashkia, rritja e numrit të anëtarësisë është më pak se sa një për qind dhe në 7 bashki nuk është bërë asnjë pranim i ri”, thuhet në raportin e përgatitur nga Taulant Balla.
Dështimi
Në raport identifikohen edhe shkaqet e dështimit në realizimin e objektivit në raport me kohën e përcaktuar. “Vërehet një punë e pamjaftueshme për plotësimin e objektivit të përcaktuar nga axhenda vjetore e partisë dhe numri i anëtarësimeve është larg nga sa duhej të ishte për këtë afat kohor. Kjo vjen sepse për anëtarësimet e reja nuk është bërë një punë e organizuar, vërehet nënvleftësim dhe fushatizëm nga mjaft struktura vendore dhe drejtues të tyre. Në periudhën janar-mars, në 16 bashki nuk është bërë asnjë pranim i ri, nga të cilat bashkitë Shijak, Kamëz, Lushnje, Pustec, Tepelenë, Libohovë dhe Sarandë nuk ka pranime as si katërmujor. Në 17 bashki nuk u bë asnjë pranim për muajin prill”, thuhet në raport.
Kontrolli dhe ndëshkimi
Në Partinë Socialiste ka startuar një proces llogaridhënie, duke përfshirë të gjithë përfaqësuesit e saj në pushtetin qendror, pushtetin lokal dhe drejtuesit e partisë, sidomos kryetarët e degëve. Baza e vlerësimit do të jetë realizimi i disa detyrave dhe objektivave të përcaktuara nga Asambleja Kombëtare e PS në fillim të muajt janar. Vlerësimi i perfomancës për secilin bëhet në kuadër të përgatitjeve për zgjedhjet e ardhshme lokale, por ndoshta edhe për të projektuar një mandat të tretë qeverisës. Në fund të javës së kaluar, Shqiptarja.com publikoi emrat e kryetarëve të degëve të PS, me performancë negative, në raport me procesin e bashkëqeverisjes, duke u bazuar në një dokument-analizë i përgatitur nga koordinatorja e kombëtare e bashkëqeverisjes Elisa Spiropali. Në fund të muajit qershor, do të ketë një vlerësim për kryebashkiakët, krerët e degëve etj., proces i cili pritet të pasohet me shkarkime.
Raporti
“Në periudhën janar-mars, në 16 bashki nuk është bërë asnjë pranim i ri, nga të cilat bashkitë Shijak, Kamëz, Lushnje, Pustec, Tepelenë, Libohovë dhe Sarandë nuk ka pranime as si katërmujor. Në 17 bashki nuk u bë asnjë pranim për muajin prill”.
.jpg)
.jpg)
Objektivi
Asambleja Kombëtare e PS, në fillim të muajt janar u la kryetarëve të degëve të PS një detyrë për shtimin e efektivit të Partisë Socialiste me 30 mijë anëtarë të rinj. Ky objektiv duhet të përmbushet në periudhën janar-tetor 2018.
Krerët e degëve të PS me zero anëtarësime të reja
Lindita Buxheli, kryetare e PS Lushnje
Jani Ago, kryetar i PS Pustec
Arben Gumeni, kryetar i PS Tepelenë
Arnisa Ibrahimi, kryetare e PS Libohovë
Jonida Abduli, kryetare e PS Sarandë (e larguar)
Elton Arbana, kryetar i PS Shijak
Dega e Partisë Socialiste Kamëz
Krerët e degëve që kanë shtuar anëtarësinë 4-5 %
Mira Dauti, kryetare e PS Has
Eduart Ndreca, kreu i PS në Lezhë,
Pjeter Pjetri, kryetar i PS Mirditë
Lefter Alla, kryetar i PS Bulqizë
Anduel Tahiraj, kryetar i PS Vlorë
Haxhi Memolla, kryetar i PS Rrogozhinë
Ardit Demiri, kryetar i PS Elbasan
Arjan Çepelem, kryetar i PS Ura Vajgurore
Dega e Partisë Socialiste Himarë
Krerët e degëve që kanë shtuar anëtarësinë 7-10 %
Valbona Zylyftari, kryetare e PS Berat
Sybi Shehu, kryetar i PS Kuçovë
Edmond Omeri, kryetar i PS Skrapar
Kristian Shkreli, kreu i PS Vau i Dejës
Marenglen Bali, kreu i PS Blesh
Klajdi Alisinani, kreu i PS Patos
Krerët e degëve që kanë shtuar anëtarësinë më pak se 1 %
Dhimitër Tolis, kreu i PS në Dropull
Hodjan Selmani, kreu i PS në Këlcyrë
Brunilda Meleqi, kryetare e PS në Delvinë
Eroldi Begolli, kreu i PS në Devoll
Mbarime Isufaj, kreu i PS në Mallakastër
Edurim Teqja, kreu i PS në Peqin
Luan Zaza, kreu i PS në Durrës
Blerina Gjylameti, kryetare e PS në Tiranë në vend të Saimir Tahirit
Agron Ivani, kreu i PS në Kurbin
Agim Maka, kreu i PS në Divjakë
Arvit Osja, kreu i PS në Shkodër
Bashkim Dardha, kreu i PS në Klos
Gëzim Salla, kreu i PS në Cërrik
Lulzim Zaraj, kreu i PS Malësi i Madhe
Lirjan Hyseni, kreu i PS në Kolonjë
Une jem me LSI-ne. Leme kecin po ama marim dhine....
PërgjigjuMos shikoni sa antarsohen por dhe sa largohen
Përgjigju