TIRANË- Report Tv ka siguruar ekskluzivisht një nga provat që ka fundosur gjyqtaren, Enkelejda Hoxha, e cila u vu në pranga ditën e djeshme nga një superoperacion i SPAK. Është pikërisht kjo foto, e siguruar nga gazetari Arsen Rusta, ku shfaqet gjyqtarja me avokatin e të dënuarit, Aldo Tabaku.
Dyshja ndodhet së bashku në një pastiçeri, dhe nga sa shihet në këtë foto janë mjaft të afërm me njëri-tjetrin. Edhe pse është e ndaluar me ligj, gjyqtarja dhe avokati janë takuar me njëri-tjetrin, jashtë orarit të punës dhe jashtë gjykatës. Report Tv mëson se Tabaku dhe Hoxha u përgjuan dhe fotografuan përgjatë 5 muaj, hetime që përfunduan me çuarjen e tyre në pranga.
Superoperacioni ndodhi ditën e djeshme, ku në pranga përveç Hoxhës dhe Tabakut, përfunduan dhe 8 persona të tjerë, mes tyre zyrtarë të Gjykatës. Hoxha u arrestua dje rreth orës 09:00, teksa po zhvillonte seancën gjyqësore, e cila pritej të përfundonte me lirimin e të dënuarit, Saimir Petani.
Ato kishin krijuar një skemë të mirëfilltë kriminale, me qëllim lirimin e të dënuarve me burg. Report Tv e ka zbardhur totalisht skemën se si funksiononte ky grup kriminal, i cili niste fillimisht me Tabakun. Të dënuarit kujdeseshin fillimisht që si mbrojtës të tyre të zgjidhnin avokatin Aldo Tabaku dhe ky i fundit falë marrëdhënies që kishte krijuar me gjyqtaren Enkeleda Hoxha, mundësonte që të dënuarit të përfitonin uljen e dënimit, kundrejt shumave të parave të dhëna si përfitim i parregullt. Hetimi ka provuar se gjithë kjo bëhej kundrejt përfitimit të parregullt të shumave të konsiderueshme në Euro, që shkonin nga 6 deri 12 000 euro.
Në lojë, futej edhe sekretarja gjyqësore Emanuela Mallkuci e cila ndërhynte te shorti, me qëllim që kjo çështje gjyqësore të përfundonte në duar e gjyqtares Enkelejda Hoxha. Më pas, eksperti paraqiste në gjykatë akte të ekspertimit psikiatriko - ligjor të rremë. Pra është e njëjta skemë që është përdorur edhe në lirimin e të dënuarve të tjerë nga kjo gjyqtare, mes tyre edhe anëtarin e bandës së Durrësit, Endrit Dokle, që nis që nga avokati, shorti i manipuluar dhe raportet shëndetësore të falsifikuara.
Takimet e të arrestuarëve jashtë gjykatës në Krujë
Gjyqtarja dhe avokati në një furrë buke duke blerë ëmbëlsira
Gjyqtarja dhe avokati në një furrë buke duke blerë ëmbëlsira
Avokati Aldo Tabaku
Komente
shifni ndermarrjet si psh ujesjellesi, apo elektriku ku jane mbi 90% militante qe marrin rroga kot e shkojne ne pune me audi she qe nuk ja kane haberin fare nga professioni
Përgjigjupa tjeter qe duhet te behet, kemi pare mjek dhe infermier qe me xhepat e nxire fut e qit duart nga xhepi jan me te poshterit, punonjesit e komunave qe bejne namin per nje certifikate, etj fenomene pa fund,-shqiperia ka 30 vjet ne llum total, doganat gjithashtu etj etj etj.
PërgjigjuEhh si ka per tju bo kosh nga jashtë zone D.I.A juve , prisni prisni se skeni pa gjo akoma , 3Piksh !!!!!!
PërgjigjuNuk paska pasur faj Edi kur tha " më mir djepi bosh , se sa me shejtanin brënda. Vetëm Spaku ta ngrej dhe pak stekën, afërsisht deri tek dera e presidencës.
PërgjigjuPse qenka e ndaluar te rastesisesh me njerez ne te njejtin ambjent? Qeveritaret e Edi Rames kane ftuar kriminele ne zyre e si ka then kush gje, doni te beni prpagande ne prag zgjedhjesh!!!