Report Tv siguron video ekskluzive të arrestimit të Alket Hatisë, i cilësuar zoti i drogës, në ambientet e një hoteli në Durrës, më 30 gusht.
Alket Hatia, personi me bluzë të bardhë dhe pantallona të shkurtra ngjyrë të zezë, shihet në këto pamje, teksa lëviz qetësisht, në ambientet e jashtme të hotelit, pranë parkimit të automjeteve, totalisht i pashqetësuar se mund të shihet nga njerëzit, duke marrë parasysh që ambienti privat është buzë rrugës.
Pranë vetes, një qen i bardhe e ndjek nga pas.
Siç Report Tv raportoi ekskluzivisht, Hatia ishte duke marrë ushqim për pulat, në këtë kovë të bardhë, siç shfaqet në video, kur krejt papritur, dhe pa e kuptuar as vetë ai, në portën hapur të hotelit, futen agjentët e policisë, civilë.
Fillimisht e përshëndesin pa rënë në sy, dhe kur sigurohen se nuk ka asnjë mjet të rrezikshëm me vete për të reaguar ndaj tyre, ndërhyjnë dhe e shoqërojnë në një automjet të bardhë që mbërrin në ambientet e hotelit menjëherë pas tyre.
Aksioni i policisë u zhvillua në orën 04.00 të mëngjesit pasi kishin marrë të dhëna të sakta për vendndodhjen e tij dhe ndërhyri herët për të shmangur edhe lëvizjet e pushuesve. Kur kuptoi se ishin agjentë të policisë, Alket Hatia bën rezistencë dhe tenton të largohet, por më kot, efektivët me forca të shtuara tashmë, e shoqërojnë në automjet.
Alket Hatija, i dënuar me 20 vjet burg në Itali, për trafikim të 540 kg heroinë e kokainë nga Shqipëria në shtetin fqinj, pas arrestimit në Durrës, u ekstradua drejt Milanos të mërkurën.
Gjykata atje e ka dënuar në vitin 2005, por 50-vjeçari luftoi në të gjitha shkallët e gjyqësorit në Shqipëri për të shmangur ekstradimin, derisa u rrëzua edhe me vendim të Kushtetueses në janar të vitit 2022.
Gjatë kësaj kohe, Hatia ka qenë i arrestuar disa herë në vendin tonë më herët dhe ka shlyer një pjesë të dënimit në paraburgim.
Komente
Po te kishin ardhur me shenja e uniforma Hatija kishte per t'ia mbathur si lepur.Nuk e shikoni qe gjithe keta agjente qe e kane mberthyer e prape hedh vickla?! Policia eshte treguar shume profesionale ne kete rast.
PërgjigjuSUFLLAQE ME DOPJO PITE DHE SHUM QEP GATI....
Ca jane keta alabaker pa asnje lloj shenje dhe uniforme, vetem Tan Dajti ja dha pergjigjen, si marrin persiper keto aksione qe mund te lene koken.
PërgjigjuKY ASH TREM SE KA KUJTU SE PO E MARIN PENG.... AS NJI POLIC ME UNIFORM OSE ME JELEK E MAKINA POLICIE.... SMUND TVIJN KSHU POLICIA SE NDURRES KA HISTORI TKEQIA KUR VIJN POLICIA ME BREK TSHKURTRA.... QE SJA VLEN ME I KUJTU... MIR QE SKA PAS ARM KY.... SE DO U VETMBRONTE. E NA RROFT POLICIA PASTAJ... BENI KUJDES PER VETI O POLIC. TE PAKTEN TE KISHIT NJE PATRULL MW UNIFORM....PER VET IDENTIFIKIM.
Përgjigju