Report Tv ka siguruar ekskluzivisht raportet financiare të qindra kandidatëve që garuan më 11 maj. Analiza e dokumenteve tregon se socialistët shpenzuan më shumë para nga xhepi i tyre për fushatë, ndërsa kupola e Partisë Demokratike deklaron zero të ardhura e shpenzime, duke ngritur dyshime për vërtetësinë e deklarimeve. Raportet e shpenzimeve të vetë partive, ende nuk janë dorëzuar. Vullnet Sinaj në Vlorë shpenzoi më shumë mes socialistëve, ndërsa mes demokratëve, Gjin Gjoni në Lezhë.
***
Kandidatët që garuan në listat e sigurta thuajse nuk shpenzuan asnjë para për fushatën e 11 majit, ndërsa ata që ishin në betejën në listën e brendshme, ose mblodhën fonde nga individë e biznese, ose paguan me lekët e xhepit shpenzimet.
Raportet financiare të siguruara nga Report Tv tregojnë se kupola e Partisë Demokratike, me Sali Berishën, Flamur Nokën dhe Edi Palokën kanë deklaruar zero shpenzime në fushatë.
(Foto: Raporti financiar i Sali Berishës)
Një raport individual për Edi Ramën nuk ishte ende i disponueshëm në këtë moment, pas partitë kanë edhe 60 ditë kohë për t’i dorëzuar ato, bashkë me shpenzimet e vetë partisë, që mund të justifikojë edhe faturat zero të liderëve.
Analiza e të dhënave mes dy kampeve, tregon se në Partinë Socialiste paratë më të mëdha janë derdhur në qarkun Vlorë, aty ku në listën e hapur përballeshin figura të rëndësishme, të rrethuar nga biznese të fuqishme.
Kështu, me shpenzimet më të larta rezulton Vullnet Sinaj, me mbi 100 mijë euro. 19 mijë euro ka shpenzuar Ardit Bido, 17 mijë euro Vasil Llajo, 16 mijë euro Klevis Kaso, dhe 10 mijë euro Damian Gjiknuri, të gjithë garues në listën e hapur të Vlorës.
(Foto: Raporti financiar i Vullnet Sinaj)
Ajo që bie në sy është se i dyti në skuadrën e Edi Ramës me më shumë financim është Olsi Komici, ish-komisioner i vettingut, që kandidoi e fitoi në Elbasan. Ai ka shpenzuar mbi 27 mijë euro, kryesisht para të tijat personale apo të familjes së tij.
(Foto: Raporti financiar i Olsi Komici)
Kryeparlamentarja Elisa Spiropali deklaron se ka shpenzuar 2000 euro nga paratë personale dhe se për fushatë ka përdorur makinën që i ka marrë hua bashkëshortit të saj.
(Foto: Raporti financiar i Elisa Spiropali)
Kandidatët e listave të sigurta deklarojnë zero shpenzime, si Ilva Gjuzi, Erjon Malaj, Erjo Mile, Marjana Koçeku apo Romina Kuko.
Mes demokratëve, më shumë financime për fushatën ka mbledhur ish-gjyqtari Gjin Gjoni që garoi e fitoi në Lezhë. Sponsorë kryesorë rezultojnë të afërm të familjes me 6500 euro, dhe disa kompani i kanë dhuruar 3 mijë euro, duke i lejuar Gjonit të shpenzojë, të paktën siç deklaron, 9500 euro.
(Foto: Raporti financiar i Gjin Gjonit)
I dyti opozitar me aftësinë për të mbledhur para është Belind Këllici. Edhe pse garonte në vend të sigurt në Tiranë, ai ka fituar si dhuratë nga individë 7700 euro, nga të cilat mbi 4 mijë euro i ka shpenzuar për reklamat në rrjetet sociale.
Konkretisht, donatorët e tij rezultojnë të jenë:
(Foto: Raporti financiar i Belind Këlliçit)
Bie në sy shefi politik i demokratëve në Elbasan, Tomor Alizoti. Edhe pse ka vënë në dispozicion 7 mijë euro nga paratë personale, ka shpenzuar vetëm gjysmat.
(Foto: Raporti financiar i Tomor Alizotit)
Raportet e tjera do të përpilohen gjatë ditëve të ardhshme dhe informacioni për figura të tjera të rëndësishme në garë, do të jetë i disponueshëm brenda muajit tetor.
Gjin Gjoni në Lezhë dhe Belind Këlliçi në Tiranë janë dy kandidatët, tashmë fitues, të Partisë Demokratike që kanë shpenzuar më shumë para gjatë fushatës elektorale për zgjedhjet parlamentare të 11 majit.
Në raportet financiare që Report Tv ka siguruar ekskluzivisht, ish-gjyqtari Gjin Gjoni, tashmë deputet fitues i PD në Lezhë, rezulton të ketë shpenzuar më shumë në kampin opozitar. Ai ka shpenzuar 9500 euro dhe sponsorët kryesorë rezultojnë të afërm të familjes me 6500 euro, dhe disa kompani që i kanë dhuruar 3 mijë euro.
(Foto: Raporti financiar i Gjin Gjonit)
I dyti nga kampi i opozitës me më shumë shpenzime është Belind Këlliçi. Edhe pse garonte në vend të sigurt në Tiranë në lista të mbyllura, Këlliçi ka fituar si dhuratë nga individë 7700 euro, nga të cilat mbi 4 mijë euro i ka shpenzuar për reklamat në rrjetet sociale.
Kliko këtu për raportin financiar të Belind Këlliçit
Nga kampi socialist, kryeparlamentarja Elisa Spiropali deklaron në raportin financiar se ka shpenzuar 2000 euro nga paratë personale. Ndërsa për të lëvizur në Tiranë gjatë fushatës elektorale, deklaron se ka përdorur një makinë të marrë me qira nga bashkëshorti i saj dhe pagesa është konsideruar dhuratë prej tij.
(Foto: Raporti financiar i Elisa Spiropalit)
Komente
Belindi te kishte dhene doreheqjen eshte pak
PërgjigjuKy surrat fshatari belindit u be milioner ne opozite pa pas nje dit pune ne jete
Përgjigju