FIER - Spitali i Fierit nuk ka largim të mjekëve drejt Gjermanisë. Ky është reagimi që Drejtoresha e këtij spitali Nevila Shuke bëri pas prononcimit që presidenti i Urdhrit të Mjekut Besnik Brahimaj dha ditën e djeshme, në të cilën informoi se brenda këtij viti janë larguar rreth 13 mjekë nga spitali i Fierit.
Drejtoresha Nevila Shuke duke iu mbështetur faktit të mungesës së dokumentacionit tha se ky spital nuk ka largim të mjekëve specialist.
Deklaroj me përgjegjësi të plotë se Spitali Rajonal i Fierit nuk është përfshirë nga largime të mjekëve specialistë nga ky spital drejt Gjermanisë apo vendeve të tjera. Nisur nga intervista që Presidenti i Urdhrit të Mjekëve ka dhënë për mosmbulim të tre shërbimeve të rëndësishme, të shërbimit të pediatrisë, janë faktet që flasin, kemi 6 mjekë specialistë, paralelisht dhe 2 mjekë pediatër në atashim që punojnë në repartin e pranim-urgjencës të Pediatrisë.
Nevila Shuke, drejtore e Spitalit të Fierit
Drejtoresha Shuke tha se spitali i Fierit nuk ka mungesa mjekësh specialist as në imazheri apo neurologji, teksa bëri me dije se plotëson të gjitha nevojat për shërbimet shëndetësore të pacientëve të ardhur nga gjithë bashkitë e rajonit.
Komente
Pse genjen pa pike turpi duke thene qe flet me pergjegjesi, urgjenca e Fierit eshte skandal dhe nje grafi qe kerkuam u be nami ,kur diskutuam dhe beme debat atehere Mjekja tha qe nuk me kushton asgje per ta bere grafine. por shume me faj nuk beje mjeken por kete baxhellen militante se e njoh shume mire dhe eshte kushurira e deputetes Rista qe me flet me pergjegjesi, qe kjo as vetes se saj muk i del garant, jo me ti dali qytetit te Fierit kjo flliqesire.
Përgjigju