Eksperti i shëndetësisë Dr. Anthony Fauci, tha se SHBA-ja mund të kthehet në normalitet për sa i përket COVID-19 në vjeshtë të vitit të ri, nëse ajo do të vazhdojë të vaksinimin e qytetarëve me këtë intensitet.
Fauci ka folur në lidhje me situatën epidemiologjike në vend dhe vaksinën, në një intervistë të zhvilluar në Facebook me guvernatorin e Kalifornisë Gavin Newsom.
Megjithatë, vaksinimi në SHBA në fillim ka nisur me ritme jo të shpejta, por pritet që në prill të vitit të ri të jetë vaksinuar shumica e popullsisë.
“Nëse njerëzit do të vaksinohen me zell, në prill, mars, maj, qershor edhe korrik, atëherë gradualisht do të arrijmë imunizimin e tufës. Nëse veprojmë siç duhet vjeshtën e vitit të ri, gjendja do të normalizohet ”, tha Fauci gjatë intervistës.
SHBA-ja është vendi i parë në “listën e zezë” për sa i përket pandemisë, pasi ka numrin më të lartë të infektimeve dhe viktimave nga koronavirusi. Aktualisht ajo numëron 20,216,991 raste infektimesh dhe 350,778 viktima në te gjithë vendin që nga fillimi i pandemisë.
Komente
