Burimet nga grupi hetimor të përbërë nga 2 ekspertë të luftës kundër zjarrit dhe një OPGJ kanë që dje që po hetojnë për shkaqet e zjarrit në fabrikën e tullave në Maminas.
Burimet për Report Tv thanë se ishte një fabrikë moderne rreth 7 milion euro me teknologji më moderne për prodhimin e tullave e cila ende nuk kishte hyre në prodhim, por prodhonte në mënyrë eksperimentale. Dje rreth orë 11:00 kanë qenë 120 punëtorë në fabrikë, mes të cilëve edhe Besnik Bojaku, saldator. Ky i fundit ka qenë afër vatrës së zjarrit duke punuar, ndërsa ka pësuar djegie të konsiderueshme, duke ndërruar jetë në spital. Fatmirësisht, të gjithë punëtorët e tjerë kanë dalë pa lëndime. Ndërkohë nga këqyrja paraprake është vënë re se muret e fabrikës janë sanduiç dhe ndërmjet tyre kalojnë me mijëra kabuj elektrike dhe është e vështirë për të gjetur se ku është shkaktuar zjarri. Paraprakisht dyshohet se shkak ka qenë një shkëndijë elektrike.
Lajmi kryesor:
Zjarri në fabrikën e tullave në Maminas dje në ditën e parë të punës, ndërron jetë në spital 57-vjeçari! Arrestohet përgjegjësi teknik
K.T.//ReportTv.al