E ftuar në emisionin “Klinika 24” në Report TV, me autore Doreada Mio, ishte edhe Kelima Alijaj, eksperte e aktivitetit fizik dhe shëndetit mendor, e cila foli për studimin e fundit të ‘Washington Post’, që thotë se më mirë të jesh në formë, sesa i dobët.
Sipas studimeve është e vërtetuar se personat që kanë një shëndet normal të rregullt, kanë një jetëgjatësi më të madhe sesa personat që nuk kanë peshë optimale.
”Është shumë e rëndësishme që organizmi të qëndrojnë aktiv me sporte si pilates, artet marciale apo joga”, tha ekspertja në studio.
“Është e rëndësishme që një person të ketë një BMI, pra indeks të masës trupore normale, pasi nga kjo formulë përcaktojmë nëse jemi nën peshë, normal apo mbi peshë”, shtoi ekspertja.
Aktiviteti fizik na përmirëson staturën, veç pjesës së shëndetshme që ofron për organizmin dhe qarkullimin e gjakut. Që në seancat e para të pilates, mund të shohim ndryshimet e para në organizëm sipas ekspertes.
Shumë e rëndësishme sipas saj është balanca e parametrave trupor, duke mbajtur një harmoni mes aktiviteti fizik dhe ushqimeve të shëndetshme.
Lajmi kryesor:
‘Klinika 24’ në REPORT TV/ Mjekja Anjeza Kuci: Tregoni kujdes për hundët, veshët dhe bajamet në periudhën virale
A.Q/E.H/ReportTv.al
