Me kokën ulur, njëri nga pesha e një krimi të rëndë pasi vrau babain e nipërve të tij dhe tjetra me ndjenjën e fajit se lejoi të ekzekutohej babai i fëmijëve të saj, kanë dalë sot para gjykatës Mexhit Picari dhe Dhurata Saliaj. Baba e bijë akuzohen se vranë të premten para Gjykatës së Tiranës 41-vjeçarin Kudret Saliaj, babai i tre fëmijëve të mitur.
Dhurata Saliaj 33-vjeç dhe babai i saj Mexhit Picari janë lënë në burg sot nga togat e zeza, edhe pse 53-vjeçari kërkoi falje, sidomos nipërve dhe mbesës, ndërsa vetë ish-bashkëshortja e viktimës shprehet se nuk ka pasur dijeni për aktin esktrem që babai i saj kishte vendosur të bënte.
Gazetari i Report Tv, Arsen Rusta ndoqi nga afër seancën gjyqësore dhe raporton se para 'togave të zeza' Mexhit Picari duke i kërkuar fjale vajzës së tij, Dhurata Saliajt se i ka vrarë burrin, dhe nipërve e përjashtoi atë nga ndonjë lidhje me ngjarjen. Ai thotë se ajo nuk kishte dijeni dhe se armën e kishte pasur në brez, nuk e kishte marrë nga çanta e saj.
Të njëjtin variant ka mbështetur edhe e bija, e cila nënvizon se nëse do të ishte në dijeni për qëllimin e të atiti s’do e kishte lejuar kurrë që ta vriste babanë e fëmijëve të saj.
Ndërkohë që një detaj i rëndë ka dalë nga avokati i dy të akuzuarve Lorenc Liço, i cili tha para gjykatës se sipas tij arsye e krimit ishte pasi fëmijës së vogël të Dhurata Saliajt i ishte thënë se mamaja e tij ka vdekur, dhe kjo e ka bërë Mexhit Picarin që të ndërmerrte aktin ekstrem.
Tashmë baba e bijë do të qëndrojnë në burg teksa hetohen për akuza të rënda. Sipas gazetarit Rusta Prokuroria mbi Picarin rëndojnë akuzat 'Vrasje me dashje', 'Armëmbajtje pa leje' s dhe 'Vrasje për shkak të marrëdhënieve familjare' ndaj Picarit dhe për të bijën 'përkrahje të autorit të krimit', 'sigurimi i kushteve e mjeteve për kryerjen e një vrasjeje'.
Kujtojmë se dje, Report Tv zbardhi detaje nga dosja hetimore, ku Dhurata Saliaj akuzohej nga fëmijët e saj të mitur se ka ushtruar dhunë mbi ta. Hetimi për dhunë në familje nisën në tetor të vitit 2020 ndërkohë që Dhurata më maj të këtij vitit u dënua me 1 vit e 4 muaj burg. Vajza e saj e ka akuzuar se i rrihte dhe i kërcënonte nëse do i tregonin babait të tyre. Në dëshmi, vajza thotë se Dhurata sillej keq më së shumti me vëllanë e vogël që “e ka goditur mes të tjerave me bërryl në pjesën e vetullës dhe i ka thënë se nuk duhet që t’i tregonte babait se do e hidhte nga ballkoni”. Nga ana tjetër, çifti, Dhurata dhe Kudreti kanë akuzuar njëri-tjetrin për tradhti bashkëshortore dhe për një detaj të tillë flet dhe djali i vogël. Ai thotë se ka lexuar mesazhe në celularin e nënës së tij që i thoshte të dua dikujt dhe i kërkonte që të takoheshin, dhe prandaj e rrihte pasi i kishte zbuluar këto biseda. Ndërkohë, mes të tjerave edhe mbesa e burrit e ka akuzuar se ka tentuar që t’i shesë virgjërinë në Instagram
Si ndodhi ngjarja?
Ngjarja e rëndë ndodhi mesditën e datës 4 qershor në një lokal pranë Gjykatës Civile, në Tiranë, ku Mexhit Picari, 53 vjeç vrau në mes të lokalit, bashkëshortin e vajzës në proces divorci, Kudret Saliaj 41 vjeç, pak minuta para seancës së 5-të. I plagosur, jashtë rrezikut për jetën, mbeti dhe avokati i viktimës, Adriatik Cama. Kudret Saliaj u qëllua me 8 plumba, nga vjehrri, ndërsa në trup e kanë kapur 5 plumba. Viktima në momentin që është vrarë nga ish-vjehrri, ndodhej pranë gjykatës duke konsumuar një kafe me avokatin e tij në këtë proces divorci, Adriatik Cama i cili po ashtu ka mbetur i plagosur. Konflikti për kujdestarinë e fëmijëve solli vrasjen te Gjykata e Tiranës, ku mamaja do t'i takonte në prani të psikologes! E vetme, pa 3 fëmijët, për të cilët ka humbur kujdestarinë dhe pa bashkëshortin që sot nuk jeton më, 33-vjeçarja Dhurata Saliaj ndodhet në paraburgim me babanë, i cili më 4 qershor vrau me 5 plumba, bashkëshortin me të cilin ishin në proces divorci.
1 / 11
2 / 11
3 / 11
4 / 11
5 / 11
6 / 11
7 / 11
8 / 11
9 / 11
10 / 11
11 / 11
Report Tv ka siguruar fotot që kanë zbardhur dhe japin një panoramë më të plotë të vrasjes së Kudret Saliaj. Siç shihet në foto, aty tregohet qartë se ish-gruaja e viktimës, Dhurata Saliaj ka bashkëpunuar me babanë e saj, dhe ndonëse të dy e kanë mohuar, ka qenë 33-vjeçarja që i ka dhënë armën babait, pasi po e mbante në çantën e saj.
( Kliko këtu ) Dokumenti me fotot nga kamerat e siguris së lokalit ku ndodhi ngjarja
.jpg)
Avokati i Mexhit Picarit, i cili u la sot në burg i akuzuar për vrasjen e dhëndrit të tij, Kudret Saliajt, ka thënë se shkak i ngjarjes ka qenë fakti se fëmijës së vogël të çiftit, që jetonte me viktimën, i kishin thënë se e ëma i ka vdekur dhe nuk kishte ku ta takonte.
Lorenc Liço tha në gjykatë se autori Mexhit Picari i kishte blerë vilë dhëndrit të tij, në mënyrë që ai dhe e bija, Dhurata Saliaj, të jetonin mirë. Ai akuzon viktimën se ka ushtruar dhunë ndaj bashkëshortes, gjithashtu e dyshuar bashkëpunëtore në vrasje.
"Kudretit Vjehrri i bëri vilë 3-katëshe, i fali 2 dynym tokë në autostradë. i bleu fuoristradë të re pasi ai donte që vajza e dhëndri të jetonin mirë. 8 muaj më parë Kudreti i ka kthyer vajzën Mexhitit të dhunuar, Kudreti e kishte rrahur në një pyll dhe i ka kërcënuar familjarisht. Kudreti i ka kërcënuar më herët me armë për t'i vrarë familjarisht. Psikologia e caktuar nga gjykata duhej të ishte e njëanshme, por ajo ishte në tavolinë me palën kundërshtare. Mexhiti se ka njohur fare avokatin Adriatik Camaj (i cili mbeti i plagosur) e s'ka patur qëllim të keq ndaj tij. Ndërsa fëmijës së vogël të Dhuratës i thoshin nëna ka vdekur e s'ke ku e takon. Ky ishte shkaku i ngjarjes së rëndë", ka thënë ai.
Para Gjykatës, ku iu komunikua masa e sigurisë "arrest me burg", Mexhit Picari ka kërkuar ndjesë dhe falje për vrasjen e dhëndrit të tij, Kudret Saliaj.
Duke i kërkuar ndjesë vajzës së tij, Dhurata Saliajt se i ka vrarë burrin, Mexhit Picari e përjashton atë nga ndonjë lidhje me ngjarjen. Ai thotë se ajo nuk kishte dijeni dhe se armën e kishte patur në brez, nuk e kishte marrë nga çanta e saj.
"Kërkoj ndjesë publikisht për çfarë kam bërë edhe falje. Të më falin nipërit dhe mbesat, i kërkoj falje edhe vajzës që i vrara burrin. Dhurata s'ka patur dijeni. Pistoletën e kisha në brez dhe se mora në çantën e gocës", ka thënë ai.
Report Tv ka zbardhur dëshminë e ish- gruas së Kudret Saliaj, Dhurat Saliajt sot në Gjykatë. Ajo ka deklaruar se nuk e dinte që babai i saj do kryente vrasjen, pasi në të kundërtën s’do e kishte lejuar kurrë që ta vriste babanë e fëmijëve të saj.
“Atë ditë isha për gjykatë. S’e dija që babi do bënte vrasje. S’do e lejoja kurrë. Kudreti ishte babai i fëmijëve të mi, s’do e lejoja. Kërkoj mëshirë nga Gjykata, kam tre fëmijë për të rritur”, mësohet të ketë thënë Dhurata në sallën e gjyqit.
Vrasja e Kudret Saliajt në Tiranë, arrest në burg për ish vjehrrin dhe ish gruan. Gjykata e Tiranës ka caktuar arrest në burg për Mexhit Picarin dhe Dhurata Saliajn.
Komente
Nje pyetje qe kerkon sqarim :Tani ne brez apo ne cante, nuk ka rendesi,por si ka mundesi qe keta dy persona kane hyre ne ambientet e gjyqesorit te armatosur dhe asnje si ka kontrolluar??!! Kjo eshte shkelje flagrante. Ky ishte nje gjyq i rendomte,qe perfundoi ne menyre te pazakonte,po sikur neser te hyjne ne ambiente te tilla te armatosur te aferm e shoke te gangstereve,apo gjaksave te vertete,pa u kontrolluar,c'behet pastaj?!Tani dikush mund te thote e vrau ne lokal;O.K,por me pare kishin qene ne seance gjyqesore te armatosur,arma shume mire mund te ishte perdorur dhe brenda.
Përgjigju