ELBASAN - Personat që dogjën makinat e dy efektivëve të policisë janë arrestuar. Në prangat e policisë janë vënë Gerti Hysenbelli 31 vjeç dhe Brikin Rusta 20 vjeç me banim në Elbasan dhe me precedent të mëparshëm penal.
Dy efektivët e policisë janë Krenar Kasit, Shef i Paraburgimit në Bradashesh dhe Edvin Gjylit, oficer i Krimeve të Rënda në Policinë e Elbasanit.
31-vjeçari Hysenbelli ka qenë i dënuar më parë për plagosje, ndërsa i arrestuari tjetër Brikin Rusta rezulton i dënuar më parë për vjedhje.
Makina e shefit të policisë së paraburgimit Krenar Kasi u përfshi nga flakët mesnatën e 24 dhjetorit të 2019 teksa ishte parakuar 100 metra larg drejtorisë së policisë së Elbasanit. Ndërsa makina e inspektorit të Krimeve të Rënda në policinë e Elbasanit Edvin Gjyli është djegur në datën 9 janar të këtij viti në lagjen “28 nëntori” të qytetit të Elbasanit.
Sipas policisë dy të rinjtë Gerti Hysenbelli dhe Brikin Rusta dyshohet se në kohë dhe vende të ndryshme kanë kryer djegie të automjeteve, në qytetin e Elbasanit.
Policia thotë se grupi hetimor po vijon punën për zbardhjen e plotë të ngjarjes dhe arsyes që çuan dy personat t'i vënë zjarrin makinave të dy efektivëve.
Komente
O EDI RAMA KRIMI KA MARRE PERMASA TE FRIKSHME,,,PO VAZHDOVE KESHTU KUR TE BEHEN ZGJEDHJET NE 2021 DO MARRESH VETEM 20% TE VOTAVE...KRIMI PO E CON PS NE OPOZITE,,,MERR MASA EDI OSE IKE PER LESH.....
PërgjigjuThyejani brinjet!
Përgjigju