ELBASAN- Një ngjarje e rëndë është regjistruar në qytetin e Elbasanit, ku një fëmijë ka rënë nga ballkoni e për pasojë ka ndërruar jetë.
Ngjarja e rëndë ka ndodhur sot rreth orës 15:50, në lagjen "28 Nëntori ", ku 6-vjeçari teksa po qëndronte në ballkon ka rënë nga kati i gjashtë, për pasojë ka gjetur vdekjen.
Viktima është identifikuar me inicialet O.L, i cili pavarësisht se u dërgua me Urgjencë në spital, nuk ka mundur dot që t’u mbijetojë plagëve të marra.
“Më datë 22.09.2021,rreth orës 15:50, në lagjen "28 Nëntori ", Elbasan, shtetasi O.L., 6 vjeç, ka rënë nga ballkoni i banesës ku jetonte nga kati 6 , dhe për pasojë ka humbur jetën në Spitalin Rajonal Elbasan”, thotë policia.
Pas ngjarjes së rëndë policia ka shoqëruar në polici prindërit e të miturit për t'i marrë në pyetje.
