ELBASAN- Një automjet është përfshirë nga flakët teksa ka qenë i parkuar. Gjatë natës në lagjen "Çlirimi", ka rënë zjarr në mjetin tip " Porsh", me targa AA 177 TK, në pronësi të M.M, 34 vjeç, banues në lagjen "11 Nëntori". Mësohet se mjeti ishte i parkuar te ish-terminali i autobusëve dhe si pasojë e flakëve mjeti është djegur pjesërisht.
Në vendngjarje ka shkuar grupi hetimor, ku nga veprimet e para dhe deklarimet e pronarit, i cili nuk ka ndonjë pretendim se mjeti mund t’i jetë djegur qëllimisht, dyshohet se ngjarja është aksidentale, mund të ketë patur një shkëndijë elektrike. Policia po punon për zbardhjen e plotë të rrethanave dhe shkakut të rënies së zjarrit.
Komento