ELBASAN- Rreth orës 7 të mëngjesit qytetarët e Elbasanit kanë gjetur ditën e sotme një granatë dore. Përkatësisht, granata është gjetur në një lulishte të zonës në lagjen lagjen "Brigada 17 Sulmuese". Kanë qenë banorët e zonës të cilët kanë njoftuar Policinë në lidhje me këtë situatë.
Burime zyrtare për Report Tv bëjnë me dije se në vendin e ngjarjes mbërritën forcat xheniere të cilat bënë edhe shpërthimin e kontrolluar të granatës. Fillimisht ka mbërritur Policia e cila ka rrethuar zonën si edhe ka larguar banorët që ishin aty rrotull.
Ende nuk dihet sesi granata e dorës ka përfunduar në atë zonë, por falë ndërhyrjes nuk përbën më një rrezik për banorët.
Komento
