Kryebashkiaku i Elbasanit, Qazim Sejdini, i është bashkuar sot shqetësimin të demokratëve në këshillin bashkiak lidhur me ndotjen e mjedisit.
Ka qenë këshilltari i djathtë, Blendi Himçi, që ka ngritur shqetësimin për ndotjen, duke kërkuar që Prokuroria dhe policia të nisin çështje penale për operatorët që ushtrojnë aktivitete. Në përgjigjen e tij, Sejdini është shprehur se i bashkohet këtij shqetësimi pa dallim politik, kur bëhet fjalë për qytetin e Elbasanit.
Ai ka deklaruar se dy subjekte janë në proces gjyqësore, ndërsa të tjerët janë në verifikim e sipër. Sejdini ka sqaruar se janë zhvilluar takime me pronarët, duke shtuar se është kërkuar mbyllja e objekteve deri në vendosjen e filtrave.
Ne kërkojmë mbylljen e objekteve deri në vendosjen e filtrave. Jemi bashkë për t’u ngritur për të gjithë ndotësit institucionalë.
Qazim Sejdini, kryebashkiaku i Elbasanit