Elbasan-Dy automjete në qytetin e Elbasanit janë përfshirë nga flakët.
Sipas njoftimit të bluve raportohet se ngjarja ka ndodhur në orët e para të mëngjesit të djeshëm (18 shkurt) në lagjen "Skënderbej".
Si pasojë e zjarrit janë shkaktuar vetëm dëme materiale.
“Dje, rreth orës 04:30, në lagjen "Skënderbej", ka rënë zjarr dhe është djegur automjeti i shtetasit M. M., 33 vjeç, ndërsa sot, rreth orës 02:30, në lagjen "Haxhias", ka rënë zjarr dhe është djegur automjeti i shtetases A. I.. Si pasojë janë shkaktuar vetëm dëme materiale”, informoi sot policia.
Vijojnë hetimet për përcaktimin e shkaqeve të rënies së zjarreve.
Materialet procedurale i kaluan Prokurorisë Elbasan, për veprime të mëtejshme.
Komento
Komente
