Scott Parker nuk është më trajner i Club Brugge. Klubi belg ka njoftuar se pas 12 ndeshjeve në krye të skuadrës, britaniku është shkarkuar pasi ka fituar vetëm 2 ndeshje. Eliminimi i djeshëm nga Champions League dhe humbja 5-1 me Benficën në Lisbonë ka bërë që te Brugge të vendosin pikat mbi "i".
"Klubi njofton se Scott Parker nuk është më trajneri i Club Brugge. Parker (42 vjeç) u shpall si trajneri i ri i Club Brugge më 31 dhjetor të vitit të kaluar. Ndërkombëtari anglez ka punuar më parë për Fulham dhe Bournemouth dhe zëvendësoi Carl Hoefkens në Club. Në 12 ndeshje, britaniku mundi të fitonte vetëm 2 herë", thuhet në reagimin e klubit belg.
Mediet në Belgjikë po e lidhin ish-trajnerin e Brugge, Alfred Schreuder me një rikthim në klub në më pak se një vit që kur u largua për t'iu bashkuar Ajax-it. Në periudhën e tij të shkurtër katër mujore, holandezi dërgoi Brugge drejt lavdisë së titullit, duke grumbulluar një rekord prej 15 fitoresh dhe vetëm dy humbjesh në të gjitha garat në 21 ndeshje.
Scott Parker
S.DH/ReportTv.al