Kombëtarja rumune e futbollit u eliminua nga Euro 2024, kjo pas humbjes 3-0 nga Holanda. Edhe pse të eliminuar, rumunët kanë treguar shembullin e tyre dhe kanë bërë "xixë" dhomat e zhveshjes duke lënë një mesazh për organizatorët.
“Evropiani ishte një përvojë e jashtëzakonshme për të gjithë ne dhe tani jemi të lumtur të themi se ishte gjithashtu një nder i madh. Çdo ndeshje, çdo moment që jetuam këtu na frymëzoi të ndjenim gjithë magjinë e futbollit.
Ne largohemi nga Gjermania duke menduar se bëmë më të mirën për Rumaninë dhe jemi mirënjohës për faktin që gjatë këtyre dy javëve ishim pjesë e një familjeje të madhe të futbollit evropian. Ishte një nder të ishim pjesë e saj. Faleminderit që na bëtë të ndihemi në shtëpi”, shkruhet në letrën e falënderimit për organizatorët.
Komente
