Elton John ka zbuluar se ai humbi shikimin pasi luftoi me një infeksion 'serioz'. Legjenda 77-vjeçare bëri zbulimin tronditës të dielën në mbrëmje pas performancës "Djalli vesh Prada'.
“Siç mund ta dini disa prej jush, unë kam pasur probleme dhe tani kam humbur shikimin. Nuk mund ta shihja shfaqjen, por më pëlqeu ta dëgjoja,”- tha Elton John para audiencës.
Sipas 'The Guardian', fituesi i Grammy-t vlerësoi gjithashtu bashkëshortin e tij, David Furnish, për ndihmën që i ka dhënë gjatë kësaj sprove.
Elton John shkroi partiturën origjinale për "The Devil Wears Prada: The Musical", ku interpreton kandidatja e Tony Vanessa Williams në rolin e Miranda Priestly.
Ai është një këngëtar, kompozitor dhe pianist britanik. I vlerësuar nga kritikët dhe muzikantët, veçanërisht për punën e tij gjatë viteve 1970, muzika dhe spektakli i Elton John kanë pasur një ndikim të rëndësishëm dhe të qëndrueshëm në industrinë e muzikës
