Agjencia Evropiane e Barnave, ka njoftuar se ka filluar të shqyrtojë vaksinën anti-COVID të kompanisë kineze Sinovac.
“Të dhënat paraprake nga studimet laboratorike tregojnë se vaksina prodhon një përgjigje imune’, deklaroi EMA në një njoftim për mediat.
Rishikimi lejon rregullatorët e BE-së të vlerësojnë të dhënat ndërsa do të japë autorizimin për përdorim emergjent , në kohën që kompania kineze të ketë dorëzuar të dhëna të mjaftueshme për efikasitetin e saj.
EMA nuk dha një kornizë kohore për vendimin përfundimtar, por tha që procesi duhet "të marrë më pak kohë sesa normalisht për t'u vlerësuar ... për shkak të punës së bërë gjatë rishikimit ".
Agjencia gjithashtu po tre vaksinave të tjera, përfshirë vaksinën Sputnik V, vaksinën mRNA të CureVac dhe vaksinën e bazuar në proteina të Novavax. Vaksina e Sinovac përdor një virus të inaktivuar.
"EMA do të vlerësojë pajtueshmërinë e vaksinës me standardet e zakonshme të BE për efektivitetin, sigurinë dhe cilësinë," shkroi EMA.
Sinovac ka treguar nivele të ndryshme të efikasitetit në studime të ndryshme në botë që variojnë midis 51 deri 82 përqind. Ajo është aprovuar nga rregullatorët kinezë, së bashku me tre vaksina të tjera të krijuara në shtëpi. Organizata Botërore e Shëndetësisë pritet të marrë një vendim në lidhje me vaksinën në fund të kësaj jave.
