Agjencia Evropiane e Barnave (EMA) me bazë në Amsterdam të Premten rekomandoi vaksinën e prodhuar nga firma Britanike-Suedeze AstraZeneca për përdorim të kushtëzuar. Ndërkohë që pritet që brenda disa orësh të vijë edhe miratimin zyrtar Komisioni Evropian. Kjo do ta bënte atë vaksinën e tretë të bllokut të certifikuar, së bashku me ato BioNTech-Pfizer dhe Moderna.
EMA ka vlerësuar tërësisht të dhënat mbi cilësinë, sigurinë dhe efikasitetin e vaksinës dhe rekomandoi me konsensus një autorizim zyrtar të marketingut me kusht të dhënë nga Komisioni Evropian.
“Me këtë mendim të tretë pozitiv, ne kemi zgjeruar më tej arsenalin e vaksinave në dispozicion të vendeve anëtare të BE dhe EEA për të luftuar pandeminë dhe për të mbrojtur qytetarët,” tha Emer Cooke, Drejtorja Ekzekutive e EMA.
Ndërkohë që Komisioni i vaksinave në Gjermani tha të Enjten se nuk mund të rekomandonte përdorimin e vaksinave në njerëz të moshës 65 vjeç e lart sepse të dhënat e efikasitetit për grupin mungonin.
Rezultatet e kombinuara nga 4 prova klinike në Mbretërinë e Bashkuar, Brazil dhe Afrikën e Jugut treguan se vaksina COVID-19 AstraZeneca ishte e sigurt dhe efektive në parandalimin e COVID-19 tek njerëzit nga 18 vjeç. Këto studime përfshinë rreth 24,000 njerëz së bashku dhe ka një shkallë efektiveti mesatare 70%, por në varësi të ndryshimit të dozave ajo mund të shkojë deri në 90%.
Ditët e fundit ka pasur përplasje të vazhdueshme të BE me AstraZeneca, pas deklaratave të saj se nuk do të ishte në gjendje për të dhuruar dozat e duhura për shkak të vonesave në prodhim. Kjo shkaktoi një përgjigje të ashpër nga unioni, ku madje presidentja e komisionit kërkoi bërjen publike të kontratës së saj. Pasditen e sotme Komisioni Europian publikoi një version të redaktuar të kontratës me kompaninë farmaceutike AstraZeneca.
Më parë gjatë ditës, në një konferencë të veçantë për shtyp, EMA deklaroi po ashtu se vdekjet e konstatuar në disa persona pas marrjes së vaksinës nuk kishin të bënin me vaksinën e Pfizer-BioNTech. Rregullatori tha se i mbështeste përfundimet e tij në të dhënat e hershme nga përhapja e vaksinës
