TIRANË- Shumica e grupit parlamentar të Partisë Socialiste do të jetë në listën e hapur. Orë vendimtare janë në PS, ndërsa më 12 mars është afti i fundit për dorëzimin në KQZ. Sipas ‘formulës’ së prezantuar nga kryesocialisti Rama, vetëm drejtuesit politikë të qarqeve do të futen në lista të sigurta, ndërkohë të gjithë deputetët me një mandat të fituar nën siglën e PS do të luftojnë për vota në listën e hapur.
Listat e hapura do të jenë për figura të reja politike, por edhe për gra deputetet të cilat mund edhe të futen në lista të mbyllura, si Evis Kushi, Lindita Nikolla, Milva Ekonomi dhe Etilda Gjoni.
Ndërkohë, nga deputetët meshkuj, është tërhequr nga gara Petro Koçi, ndërsa kryeministri Rama është ende në dilemë nëse do të futet në listë apo jo. Në listë të mbyllur do jetë edhe ministri Arbjan Mazniku, si drejtues politik i qarkut Elbasan.
46 kandidatë për deputetë sipas Kodi do të jenë në listën e mbyllur, 14 vende prej të cilave deri në tani janë zënë nga drejtuesit politikë. 32 vende të sigurta, sipas parimit të kryesocialistit mbeten për të rinj e figura me kontribut që nuk e kanë pasur kurrë një mandat deputeti. Pjesa tjetër, do të duhet të luftojë në “det të hapur”, e minimalisht nëse socialistët do të ruajnë pozitat e 2021-shit, me 74 mandate, për ta mbeten vetëm 28 vende.
Komente
