Serbia ka ngritur një gardh me tela në kufirin me Maqedoninë e Veriut, në afërsi të Preshevës.
“Ky gardh do të pamundësojë kalimet masive të paligjshme të kufirit” - kanë konfirmuar autoritetet e vetëqeverisjes lokale në Preshevë.
Serbia gjendet në të ashtuquajturën “Rrugë Ballkanike”, përmes së cilës migrantët dhe refugjatët provojnë të arrijnë deri te vendet e BE-së.
Sipas të dhënave të fundit, të cilat Komisariati për refugjat i Serbisë i ka publikuar më 20 qershor, në 18 qendra të pranimit dhe të azilit në Serbi, janë duke qëndruar rreth 4.800 persona.
Autoritetet në Serbi nuk janë të hapura për të dhënë detaje lidhur me gardhin me tela gjemborë të cilin Serbia ka vendosur në kufi me Maqedoninë e Veriut, në afërsi të Preshevës.
Komento
