Në Athinë mbahet sot Panairi i Punës, i pari i këtij lloji jashtë kufijve të territorit shqiptare. Ndërsa do jetë edhe vetë i pranishëm, kryeministri Edi Rama ka ndarë historinë e Pirros, i cili u kthye nga Greqia dhe bashkë me familjen ka investuar në fushën e turizmit. Ai u bën thirrje shqiptarëve të kthehen, duke thënë se pagat janë rritur dhe nuk do zhgënjehen.
“MIRËMËNGJES dhe me Pirron, të kthyerin nga Greqia që sot dëshmon se si pagat në turizëm janë njësoj si në rajon, ju uroj një të diel të mbarë nga Athina, ku sot kemi Panairin e Parë të Punës jashtë kufijve”, shkruan Rama.
“Pas viteve ’90 edhe familja ime emigroi në Greqi si shumë prej familjeve shqiptare. Pas disa kohësh u kthyen në atdhe dhe filluan të punonin këtu me biznes dhe u fokusuan tek turizmi. Më pas, pasi unë mbarova universitetin fillova të menaxhoj biznesin, me rritjen e turizmit kërkesat për punonjës të kualifikuar janë rritur. Pagat janë bërë njësoj si në rajon ose edhe më të mira. Ftoj bashkatdhetarët të vijnë ta provojnë, të punojnë në turizëm dhe jam i sigurt që s’do të zhgënjehen. Turizmi në Shqipëri e Gjirokastër është njësoj si në çdo vend të zhvilluar të botës tanimë. Do thoja një fjalë të gjyshes. I qëndruari në vend, i punuari me mend. I ftoj të gjithë të vijnë dhe të punojnë në ngritjen e Shqipërisë”, thotë ai.
Lajmi kryesor:
Panair Pune në Athinë, Rama: Paga më të mira në Shqipëri, në vjeshtë vijmë sërish! Së shpejti të barabartë, në BE krah Greqisë! S’e prekim pavarësinë e drejtësisë
SI.E./I.M/ReportTv.al
