Në një kohë kur statusi i Irlandës së Veriut zë një pjesë të rëndësishme të diskutimeve në Samitin e G7, presidenti francez Emmanuel Macron i ka bërë thirrje Boris Johnson të mbajë fjalën e tij mbi marrëveshjet detyruese të Brexit.
Presidenti Francez bëri të ditur në takimin e mëngjesit se ai është i gatshëm për një rivendosje të marrëdhënieve Franceze-Britanike, por "nënvizoi se ky angazhim i ri do të kërkonte që Britanikët të respektonin fjalën e dhënë për Evropianët dhe kornizën e përcaktuar nga marrëveshjet e Brexit ".
Megjithëse nuk ka dominuar diskutimet siç kishin frikë disa, mosmarrëveshja midis BE dhe MB për Protokollin e Irlandës së Veriut ka hedhur një hije mbi G7.
Marrëveshjet tregtare pas Brexit kanë sjellë përçarje në furnizime dhe tension midis komuniteteve që kur ato hynë në fuqi në fillim të vitit kur Britania la strukturat ekonomike të BE.
Një pjesë e marrëveshjes që Boris Johnson arriti me BE për të vulosur daljen e MB, ishte protokolli i cili mbante Irlandën e Veriut si subjekt të rregullave tregtare të BE në mënyrë që të mbajë një kufi të hapur tokësor me Republikën e Irlandës, një anëtar i BE.
Por efekti i tij ka qenë krijimi i një kufiri të brendshëm detar në Mbretërinë e Bashkuar midis Irlandës së Veriut dhe Britanisë së Madhe.
"Nëse gjashtë muaj më vonë ata thonë se ne nuk mund të respektojmë atë që u negociua, kjo do të thotë që asgjë nuk mund të respektohet," tha Macron përpara takimit të G7.
Krerët e Komisionit Evropian dhe Këshillit Evropian deklaruan se BE ishte e bashkuar në mënyrë që Mbretëria e Bashkuar të zbatojë të gjithë marrëveshjen e njohur ndryshe si Protokolli i Irlandës së Veriut, ndëkohë që Johnson u shpreh se po cënohen balanca që sduhen cënuar.
"Unë mendoj që ka mjaft keqkuptime rreth BE-së në lidhje me situatën në Irlandën e Veriut, ekuilibrin e Marrëveshjes së të Premtes së Mirë, procesin e paqes”, tha Johnson.
Bisedimet midis negociatorëve të Bashkimit Evropian dhe Mbretërisë së Bashkuar u ndërprenë më parë këtë javë rreth protokollit të Irlandës së Veriut.
Britania mund të vendosë që në mënyrë të njëanshme të sigurojë lëvizjen e lirë të furnizimeve në Irlandën e Veriut, pavarësisht rregullave të protokollit.
Çështja e Irlandës së Veriut pritet gjithashtu të ngrihet gjatë takimeve të tjera që Boris Johnson do të mbajë në G7 me udhëheqësit e BE dhe me Kancelaren gjermane Angela Merkel.
Duke theksuar se G7 nuk ishte domosdoshmërisht forumi i duhur për të arritur një zgjidhje të menjëhershme, një zëdhënës i Kryeministrit Britanik tha të Premten se "të gjitha opsionet janë në tryezë" për të ruajtur integritetin e Mbretërisë së Bashkuar përpara protokollit.
