Dy të rinj janë arrestuar nga policia e Durrësit, pasi gjatë natës, kanë prishur qetësinë me zhurmat e marmitave të motomjeteve që drejtonin në sheshin “Taulantia”.
Në pranga kanë rënë 21-vjeçari Kejdi Previzi nga Tirana dhe 24 vjeçari Lorenc Basha nga Durrësi.
Po ashtu, policia bën me dije se nga verifikimet, rezultoi se dy të rinjtë, nuk ishin të pajisur me leje për drejtim të motomjeteve”.
“Gjatë patrullimeve 24-orëshe, me objektiv garantimin e sigurisë publike dhe parandalimin e paligjshmërive, shërbimet e Patrullës së Përgjithshme të Komisariatit të Policisë Durrës konstatuan gjatë natës, se 2 të rinj po shqetësonin banorët dhe qytetarët në sheshin “Taulantia” dhe në zonën përreth, nëpërmjet gjenerimit të zhurmave nga sistemet e shkarkimit të 2 motomjeteve që drejtonin.
Për këtë paligjshmëri, në bashkëpunim me shërbimet e Policisë Rrugore, u krye arrestimi në flagrancë i shtetasve K. P., 21 vjeç, banues në Tiranë dhe L. B., 24 vjeç, banues në Durrës.
Nga verifikimet e mëtejshme rezultoi se ata nuk ishin të pajisur me leje për drejtim të motomjeteve”, thuhet në njoftimin e policisë.
Materialet procedurale iu referuan Prokurorisë së Durrësit, për veprime të mëtejshme.
Komente
Më ja lumsha Policisë. Edhe nga një gjobë të majme, sepse e sigurtë që do dalin shpejt. Të gjithë këta marmitaçarëve duhet të mbyten me gjoba nga policia, derisa t’i rregullojnë.
Përgjigju