Një ngjarje e rëndë është regjistruar mëngjesin e sotëm në qytetin e Korçës. 2 persona ende të paidentifikuar kanë dhunuar kambistin Anxhel Rrenja, 34 vjeç, i cili ka në pronësi një dyqan exchange, dhe më pas i kanë marrë një sasi të madhe parash. Mësohet se grabitësit kanë qenë të armatosur.
Report Tv ka mësuar se Rrenja ka shkuar për mjekim dhe tashmë ndodhet në banesën e tij në gjendje më të mirë shëndetësore. Grabitësit e kanë ruajtur pasi kanë zgjedhur pikërisht orarin kur ai i del nga banesa.
Fillimisht dy dhunuesit i kanë drejtuar armën dhe më pas e kanë qëlluar me grushte. Në fund kanë arritur të marrin çantën me sasinë e parave. Ende nuk ka një informacion mbi sasinë parave të grabitura.
Komento
