Refuzimi nga presidenti Gjorge Ivanov duket se nuk do ketë pasoja për çështjen e emrit të Maqedonisë e cila pritet të quhet Republika e Maqedonisë së Veriut, një emër ky i ardhur pas dakordësisë së arritur mes kryeministrave Zoran Zaev dhe Aleksis Tsipras.
Kryetari i Bashkimit Demokratik për Integrim, Ali Ahmeti ka folur për marrëveshjen e arritur mes Shkupit dhe Athinës për emrin e Maqedonisë. Sipas Ahmetit, marrëveshja do të nënshkruhet të shtunën, nga kryeministri maqedonas dhe homologu i tij grek.
Në ceremoninë e nënshkrimit do të marrin pjesë krerë të Bashkimit Evropian, ka bërë të ditur Ahmeti. Kreu i BDI-së ka thënë në T7 se emri i ri i Maqedonisë përfundimisht do të jetë Maqedonia e Veriut. Ai ka treguar se ka pasur edhe opsione tjera për emrin e Maqedonisë, por që s’kanë qenë të pranueshme.
