Policia e Beratit ka arrestuar një person me rrezikshmëri të lartë kriminale. Bëhet fjalë për 45-vjeçarin e shpallur në kërkim, Edison Çobo, banues në lagjen Çlirim, në Berat.
Shtetasi i lartpërmendur ishte shpallur në kërkim pasi Gjykata e Rrethit Gjyqësor Fier me vendim Nr.4137 datë 25.09.2017 ka caktuar masën e sigurisë "Arrest me burg", për veprën penale, "Prodhim dhe shitje të lëndëve narkotike, kryer në bashkëpunim", parashikuar nga neni 283/2 i Kodit Penal.
Gjithashtu ndaj këtij shtetasi DVP Berat ka nisur hetimin pasuror, ku për këtë materialet hetimore i kanë kaluar Prokurorisë së Krimeve të Rënda Tiranë.
Komento