Një krim i mundshëm në familje është parandaluar në Elbasan, ku një 48-vjeçar ka rënë në prangat e policisë, pasi ka kërcënuar bashkëshorten e tij se do ta vriste me sëpatë. Gjatë kontrollit në banesën e tij, u gjet edhe kanabis.
Artur Liçi ka rënë në prangat e bluve të Elbasanit , të cilët kanë ndërhyrë sapo kanë marrë njoftimin mbi konfliktin në familje që mund të kishte shkaktuar një ngjarje të rëndë kriminale.
Mësohet se 48-vjeçari ka kërcënuar bashkëshorten e tij se do ta vriste me sëpatë, pas një konflikti mes tyre.
Në vijim të hetimeve të mëtejshme, nga kontrollet e kryera në banesën e të arrestuarit janë gjetur dhe asgjësuar 40 fidanë kanabis, që dyshohet se ishin kultivuar në kubikë, nga 48-vjeçari.
Sakaq, u sekuestruan në cilësinë e provës materiale, sëpatën me të cilën i arrestuari kanoste bashkëshorten, një përforcues grushti, si dhe disa nga fidanët narkotikë, pasi pjesa tjetër e tyre u asgjësua nëpërmjet djegies.
Materialet procedurale i kaluan Prokurorisë Elbasan, për veprime të mëtejshme.
