Prokurori Vate Staka është subjekti i radhës i procesit të Vettingut. Vate Staka, i cili është prokuror në Prokurorinë pranë Gjykatës së Rrethit Gjyqësor Shkodër, do të kalojë në rrjetën e Vettingut më 25 qershor, ditën e hënë.
Trupa gjykuese që do të vlerësojë prokurorin Staka sa i takon pasurisë, pastërtisë së figurës dhe aftësive profesionale përbëhet nga Xhensila Pine, Valbona Sanxhaktari dhe Elteda Çiftja.
Ky është prokurori i dytë në Shkodër, që do t’i nënshtrohet procesit të Vettingut, pas prokurores Besa Nikëhasani, e cila ra në ‘rrjetën’ e Vettingut, pasi nuk justifikonte pasurinë.
Komento