Astrit Disha, banues në Dranovicë, është arrestuar nga policia e Elbasanit. 51-vjeçari ishte shpallur në kërkim sepse në banesën e tij, në fshatin Dranovicë, policia i gjeti 2 armë zjarri, krehër dhe municion luftarak.
‘Ndaj 51-vjeçari Gjykata e Shkallës së Parë e Juridiksionit të Përgjithshëm Elbasan ka caktuar masën e sigurisë "Arrest në burg", pasi më datë 01.11.2023, gjatë kontrollit në banesën e tij, Policia ka gjetur dhe sekuestruar 1 armë zjarri automatik, 1 armë zjarri tip "Belçik", krehër dhe municion luftarak. ‘- njofton policia.
51-vjeçari u arrestua në kuadër të operacionit 'Sundimi i Ligjit'.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
