DIBËR- Një 42-vjeçar është vënë nën hetim nga policia, si autori i dyshuar i zjarrvënies në fshatin Pollozhan, të Dibrës ku u dogjën një sipërfaqe toke prej 2 hektarësh, me barishte dhe shkurre.
Fari Elezi është vënë nën hetim si autor i dyshuar për zjarrvënie.
Njoftimi i policisë:
Shërbimet e Policisë së Dibrës pas marrjes së njoftimit se në fshatin Pollozhan, kishte rënë zjarr dhe zjarri po përhapej me shpejtësi, menjëherë kanë shkuar në vendin e ngjarjes së bashku me shërbimin zjarrfikës, të cilët vunë nën kontroll zjarrin dhe bënë të mundur fikjen e tij.
Ndërkohë strukturat hetimore të Policisë së Dibrës, falë veprimeve të shpejta profesionale hetimore bazuar dhe në inteligjencën policore bënë të mundur identifikimin dhe shoqërimin e autorit të dyshuar të zjarrvënies, shtetasin F.E., 55 vjeç, banues në Dibër.
Nga veprimet hetimore rezultoi se 58-vjeçari, kishte ndezur zjarr për të djegur disa barishte, në tokën e tij, dhe si pasojë e përhapjes së flakëve, zjarri ka dalë jashtë kontrollit duke djegur një sipërfaqe toke prej 2 hektarësh, me barishte dhe shkurre.
Drejtoria Vendore e Policisë Dibër apelon për qytetarët që në asnjë rast të mos ndezin zjarre, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.
Materialet procedurale i kaluan Prokurorisë Dibër, për veprime të mëtejshme.
Komente
