BULQIZË- Një 53-vjeçar është vënë në pranga nga policia, pasi gjatë një konflikti për motive të dobëta me një 37-vjeçar, e ka plagosur me thikë këtë të fundit
Një sherri i nisur për motive të dobëta, ka agravuar në dhunë fizike mes dy personave në Bulqizë, ku për pasojë ka mbetur i plagosur një 37-vjeçar.
Mësohet se ngjarja ka ndodhur në Bulqizë, në vendin e quajtur ‘lagje e re’, ku 53-vjeçari Mentor Dervishi ka plagosur me thikë 37-vjeçarin me iniciale R. P.
Për pasojë është vënë në pranga Mentor Dervishi, 53 vjeç, banues në Bulqizë, ndërsa 37-vjeçari i plagosur ndodhet në spital, jashtë rrezikut për jetën.
Gjithashtu, nga shërbimet e Komisariatit të Policisë Mat u bë arrestimi në flagrancë i 52-vjeçarit, Fitim Kola, banues në Burrel, pasi ka goditur me sende të forta, A. B., 54 vjeç, i cili ndodhet në spital, jashtë rrezikut për jetën.
Materialet procedurale i kaluan Prokurorisë Dibër, për veprime të mëtejshme.
