Policia kufitare ka arrestuar 64 vjeçarin, Spotiraq Çipi i cili ka tentuar të kalojë në Kapshticë me 9.2 kilogramë lëndë narkotike të llojit kanabis. Droga ishte e ndarë në 16 pako të ndryshme dhe ishte fshehur brenda gomave rezervë të makinës për t’u transportuar më pas drejt Greqisë.
64 vjeçari po drejtonte makinën me të cilën tentoi të kalonte drogën në pikën kufitare të Kapshticës.
"Shërbimet e Policisë Kufitare, në dalje të Republikës së Shqipërisë, kanë përzgjedhur për kontroll të imtësishëm në vijë të dytë, automjetin tip "Benz" me drejtues shtetasin e mësipërm. Si rezultat i kontrollit të ushtruar në automjet, përfshi edhe procesin e skanimit, në bagazhin e tij, në dy goma rezervë, iu gjetën dhe sekuestruan në cilësinë e provës materiale 16 pako, me peshë 9.2 kg, lëndë e dyshuar narkotike cannabis sativa"-thuhet në njoftimin e policisë.
Ndërkohë po kryhen hetime për zbardhjen e plotë të ngjarjes dhe për evidentimin e personave të tjerë të cilët mund të jenë përfshirë.
