Chelsea po bën një sezon të mirë në Premier League dhe në 18 javët e këtij sezoni mban vendin e katërt me 35 pikë, dhjetë më pak se kryesuesit e Liverpool.
Nëse Blutë kishin shumë probleme me riorganizimin e grupit, trajneri i ri Enzo Maresca ka treguar vizionin e tij dhe ekipi po bën mirë. Tanimë ish-mesfushori i Juventusit ka dhënë "bekimin" që pesë lojtarë të largohen nga ekipi.
BBC Sport ka treguar edhe pesë lojtarët që mund të largohen nga ‘Stamford Bridge’ gjatë afatit kalimtar të janarit. Ben Chilwell është emri më i madh në këtë listë, me 28-vjeçarin që ka vetëm një paraqitje këtë sezon.
E ardhmja e Carney Chukuemekas duket të jetë larg Chelseat gjithashtu, me klubin londinez që po kërkon 40 milionë euro për largimin e tij. Cesare Casadei gjithashtu mund të largohet nga Chelsea në janar, por ‘Blutë e Londrës’ besohet se duan ta largojnë 21-vjeçarin në formë huazimi.
Dy emrat e tjerë në listë të cilët po ashtu mund të largohen nga klubi janë Harvey Vale dhe Alex Matos.
Komente
