Rastet e Covid-19 kanë filluar të rriten përsëri në rajone të caktuara në të gjithë SHBA-në pasi njw periudhe stabilizimi, tha të hënën kryekëshilltari mjekësor i Shtëpisë së Bardhë, Dr. Anthony Fauci. Sipas Faucit fundi i kësaj gjendjeje të jashtëzakonshme varet “ekskluzivisht nga ne”.
Pak para fillimit të udhëtimeve masive në Shtetet e Bashkuara për Ditën e Falënderimeve më 25 Nëntor, kur një numër i madh amerikanësh udhëtojnë tradicionalisht nëpër Shtetet e Bashkuara për drekë, specialisti i sëmundjeve infektive theksoi vlerën e mbrojtjes. Në të njëjtën kohë, në pritje të Krishtlindjeve, Fauci theksoi përgjegjësinë individuale dhe nevojën për të përdorur një maskë.
Në fund të fundit, Qendra Evropiane për Kontrollin dhe Parandalimin e Sëmundjeve ka argumentuar se vetëm vaksinat nuk janë të mjaftueshme për të ndaluar koronavirusin. Armët janë edhe distanca sociale, si dhe përdorimi i maskës.
“Pandemia do të marrë fund. Ne nuk do ta përjetojmë këtë situatë pafundësisht. Fundi na takon neve. Sa më e suksesshme të jetë fushata e vaksinimit, me dozat përforcuese, aq më shumë do të mbrohemi. Ky është mesazhi im për publikun”, tha ai.
Komentet e Fauci erdhën vetëm një ditë pasi vendi raportoi një mesatare shtatë-ditore prej më shumë se 82,000 rastesh të reja, 11% më shumë se një javë më parë, sipas një analize të CNBC.
M.Q./ReportTv.al