Veriu dhe verilindja e vendit janë përfshirë nga reshjet e dëborës në lartësinë 800 metra mbi nivelin e detit, duke sjellë rënien e menjehershme të temperaturave.
Me kameran e Report tv ju sjellim pamjet fantastike nga Shishtaveci i Kukësit, mbuluar me petkun e bardhë. Rruga është e kalueshme pa vështirësi, ndërsa banorët janë të përgatitur për borën e parë.
Në aksin Topojan- Shishtavec, mjetet borepastruese kanë hedhur kripë për të shmangur ngricat e mundshme gjatë mbrëmjes.
Reshjet e bores mbuluan të premten qytetin e Pukës dhe Fushe-Arrëzin duke u karakterizuar nga rënia e ndjeshme e temperaturave.
Në segmentin rrugor Fushë Arrëz -Iballe trashësia e borës arriti në 7 cm, ndërkohë rruga është e kalueshme.
I hapur është dhe aksi Boge - Theth në Shkodër ku reshjet e debores janë më intesive. Policia Rrugore kërkon nga drejtuesit e mjeteve të përdorin goma dimerore.
Dëbora e parë këtë fund vjeshte zbardhi Parkun Kombëtar të Shebenikut dhe fshatin Fushën Studen në Librazhd.
Ndërsa në zonat bregdetare të vendit, reshjet janë në formën e shiut me intesitet të dobët, pa shkaktuar problematika.
