Presidenti i Turqisë, Recep Tayyip Erdoğan, paralajmëroi bojkot të produkteve elektronike amerikane. Njoftimi i presidentit Erdoğan erdhi gjatë një fjalimi në një simpozium të organizuar nga Fondacioni për Hulumtime Politike, Ekonomike dhe Sociale (SETA) në përvjetorin e 17-të të themelimit të Partisë për Drejtësi dhe Zhvillim (AK Parti).
Ne do të bojkotojmë produktet elektronike të Amerikës. Ata nuk përmbahen nga përdorimi i ekonomisë si një armë kundër nesh, ashtu siç u përpoqën edhe në fushat e diplomacisë, ushtrisë dhe për paqëndrueshmëri sociale dhe politike.
Erdogan, president i Turqisë
Presidenti turk tha se vendi i tij do t'i dyfishojë të ardhurat për kokë banori me arritjen e synimeve të caktuara për vitin 2023.
Kështu, çdo qytetar i ynë do të jetë dy herë më i pasur.
Erdoğan, president i Turqisë
Turqia dhe SHBA janë duke përjetuar marrëdhënie të tensionuara pasi Washingtoni vendosi sanksione ndaj ministrit të Brendshëm turk Süleyman Soylu dhe ministrit të Drejtësisë Abdulhamit Gül për moslirmin e pastorit amerikan Andrew Brunson, i cili përballet me akuza të terrorizmit në Turqi.
Presidenti amerikan Donald Trump të premten e shtoi sulmin e tij ndaj Turqisë duke i dyfishuar tarifat doganore ndaj importit të aluminit dhe çelikut turk në 20 dhe 50 për qind respektivisht./aa
Komente
