Turqi-Presidenti turk Rexhep Taip Erdogan ka bërë një deklaratë të fortë lidhur me Izraelin.
“Shpirti i Hitlerit po ngrihet mes zyrtarëve izraelitë”. Kjo ka qenë deklarata e presidentit turk, pas një prononcimi të kryeministrit izraelit Benjamin Netanjahu i cili tha më herët se Turqia po kalon një diktaturë të errët, duke komentuar ligjin e ri që e përcakton Izraelin si “shtet hebre”.
Ky ligj, është prova se pa dyshim, Izraeli është shteti më zionist, fashist dhe racist në botë. Qëllimi i administratës izraelite për të identifikuar ato toka të lashta, si prona vetëm të hebrenjve, nuk është aspak i ndryshëm nga obsesioni i Hitlerit me racën ariane. Shpirti i Hitlerit, që e zhyti botën në një katastrofë gjigande, është ngritur edhe një herë mes disa zyrtarëve izraelitë.
Rexhep Taip Erdogan, President i Turqisë
E menjëhershme ka qenë përgjigja e Netanjahut në rrjetet sociale, që hodhi akuza drejt Turqisë dhe Erdogan për masakra ndaj sirianëve dhe kurdëve.
Erdogan po masakron sirianët dhe kurdët dhe ka burgosur me dhjetëra e mijëra qytetarë të tij. Fakti që demokrati i madh Erdogan po sulmon ligjin e shtetit komb, është komplimenti më i madh për të. Turqia nën sundimin e Erdoganit po bëhet një diktaturë e zymtë, ndërsa Izraeli i ka garantuar të drejta të barabarta të gjithë qytetarëve të tij, para dhe pas këtij ligji.
Benjamin Netanjahu, Kryeministër i Izraelit
Komente
