TURQI- Presidenti turk Rexhep Taip Erdogan ka njoftuar marrëveshjen e grurit me Rusinë e cila do ti shkojë vendeve të varfëra afrikane. Sipas Erdogan, Presidenti Putin ishte shprehur se grurin do ta dërgojnë falas për vendet në nevojë.
“Ta dërgojmë këtë grurë falas në këto vende në nevojë”. Ne ramë dakord ”, theksoi presidenti turk.
Nga ana tjetër ai akuzoi Perëndimin se jep mësime njerëzimi, duke injoruar urinë që rrënon Afrikën.
“Ne shohim një mentalitet që e përcakton Evropën si një kopsht dhe pjesën tjetër të botës si bar të egër. Ne e dimë rrugën e vështirë sesi kjo pikëpamje e shtrembëruar që ndan njerëzit në bazë të gjuhës, ngjyrës së lëkurës dhe vendit të tyre e ka çuar botën tonë drejt shkatërrimit, "tha Erdogan.
“Në fakt, në bisedën time me zotin Antonio Guterres mbrëmë, unë thashë: “Ta vendosim këtë në G20, veçanërisht në Samitin e G20, me këtë luftë midis Rusisë dhe Ukrainës, ne duhet të dërgojmë plehrat dhe grurin në vendet e zhvilluara. apo do ta dërgojmë në vendet e pazhvilluara dhe të varfra? Le të hedhim një hap atje”.ai shtoi.
Sipas tij, “veçanërisht e turpshme është indiferenca ndaj kësaj situate të institucioneve dhe vendeve perëndimore që i predikojnë pjesës tjetër të botës për të drejtat dhe liritë e njeriut sa herë që hapin gojën”.
Erdogan foli edhe për ekonominë e Turqisë, duke thënë se megjithëse vendi po bën përpjekje të mëdha për të prodhuar dhe eksportuar produkte të teknologjisë së mesme dhe të lartë, me vlerë të lartë të shtuar, shtylla kurrizore e industrisë janë ende nevojat bazë.
Duke deklaruar se tregu i Turqisë nuk do të tkurret pasi njerëzit nuk do të ndalojnë së ngrëni, veshjet dhe blerjet e produkteve bazë të nevojshme për jetën e tyre të përditshme, ai tha: “Ne do të vazhdojmë këtë punë në solidaritet. Përveç kësaj, kur të ushqejmë sistemin me gazin natyror që do të gjejmë në Detin e Zi, do t'i japim lehtësi prodhimit të energjisë elektrike si dhe për të mbuluar nevojat e shtëpive."
