Presidenti turk Rexhep Tayyip Erdogan tha të premten se vendi i tij nuk mund të qëndrojë i heshtur lidhur me sulmet e fundit të qeverisë siriane në Idlib.
Erdogan komentoi para gazetarëve lidhur me sulmin e djeshëm ndaj ushtrisë turke në një pikë vëzhgimi në Idlib të Sirisë ku u plagosën 3 ushtarë.
Ai foli para vizitës së tij në kryeqytetin Dusanbe të Taxhikistanit ku pritet të marrë pjesë në samitin e 5-të të krerëve të shteteve të Konferencës mbi Ndërveprimin dhe Masat e Ndërtimit të Besimit në Azi.
"Nuk mundet që ne të heshtim nëse regjimi vazhdon sulmet e tij në kullat e vëzhgimit dhe kështu me radhë”, tha presidenti.
Presidenti turk komentoi mbi marrëveshjen e vitit të kaluar me Shtetet e Bashkuara mbi Munbixhin e Sirisë, të cilën forcat kurde të mbështetura nga Shtetet e Bashkuara u kapën nga Shteti Islamik më 2016, duke akuzuar Shtetet e Bashkuara për thyerjen e premtimit dhe për largimin e luftëtarëve kurdë nga qyteti.
“Megjithatë, kjo nuk do të thotë se ne do të heqim dorë nga çështja e Munbixhit, ne do t’u përmbahemi të gjitha planeve tona dhe do të vazhdojmë ta bëjmë atë”, tha Erdogan.
Presidenti turk foli edhe për çështjen e Republikës Turke të Qipros Veriore, ku bëri të ditur se Turqia ka të drejtën të mbajë trupat e saj në këtë vend.
“Turqia nuk po redukton trupat e saj në Qipron Veriore”, u shpreh Erdogan, duke thënë se për këtë çështje vendi “nuk ka nevojë për leje nga askush”.
Komente
