Ministri i Jashtëm turk Hakan Fidan, ka konfirmuar se presidenti Recep Tayyip Erdogan pret të takohet me presidentin rus Vladimir Putin në punimet e samitit të Organizatës së Bashkëpunimit të Shangait (SCO) muajin e ardhshëm në kryeqytetin e Kazakistanit.
“Në ditët në vijim, zoti president do të takohet me zotin Putin në Kazakistan”, tha Fidan.
Sipas mediave të huaja, Ministri i Jashtëm turk tregojë gjithashtu se Erdogan e ka ftuar Putinin për një vizitë shtetërore në Ankara.
“Ne presim që zoti Putin të na vizitojë. Presidenti ynë e ka ftuar më parë. U fol për ardhjen e tij tek ne. Ndoshta në ditët në vijim, liderët do ta diskutojnë sërish këtë çështje”, tha ai.
Erdogan dhe Putin pritet që të diskutojnë çështje të tilla si konflikti i Moskës me Ukrainën dhe përpjekjet për të mbrojtur dërgesat e grurit përmes Detit të Zi.
Samiti i SCO-së është planifikuar të mbahet më 3-4 korrik në Astana në Kazakistan.
S.B/ReportTv.al
![](https://www.report-tv.al/template/img/antipiracynote.jpg)