20 ton produkte ushqimore të sekuestruara përgjatë muajve të fundit nga AKU, janë asgjësuar ditën e sotme.
Produktet në fjalë janë bllokuar në subjekte të ndryshme gjatë aksioneve të AKU-së, bllokim i cili ka ardhur si rezultat i mungesës së gjurmueshmërisë së mallit, mungesës së dokumentacionit shoqërues dhe kalimit të afatit të përdorimit. Sipas drejtorit të AKU-së, kontrollet do të vijojnë për garantimin e sigurisë ushqimore për konsumatorët. Drejtori i AKU-së dega Korçë Daniel Bojko deklaron se produktet janë bllokuar në muajt e fundit, ndërsa sot janë asgjësuar të gjitha.
AKU bën me dije se janë bllokuar 11 ton erëza te ndryshme, 8 ton mish dhe 1700 pije energjike jashtë datës së skandecës. Autoriteti Kombëtar i ushqimit prej ditësh është duke kontrolluar tregjet në të gjithë vendin pas skandaleve të njëpasnjëshme të bëra publike në media mbi perimet e rritura me hormone apo falsifikimin e datës së skandecave në artikuj që gjejnë përdorim masiv në tregun shqiptar.
Komente
Puh, cfare asgjesimit modern. Dakord per erezat dhe mishin qe duhen groposur, Po pijet energjike dhe ato joenerigjike qe jane me ambalazh metalik si i groposin ashtu. Ne vend qe ti qojn per riciklim metalet i groposin. Ndotje diten per diell
Përgjigju