Deputetja demokrate Jorida Tabaku humbi këtë javë përfundimisht gjyqin ndaj kryebashkiakut të Tiranës, Erjon Veliaj.
Pak ditë më parë Gjykata e Lartë shpalli edhe vendimin për konfliktin e hershëm të lindur mes Veliajt dhe Tabakut.
Kryebashkiaku i Tiranës, Erion Veliaj e kishte paditur kohë më parë Jorida Tabakun për shpifje, pas deklaratave që kjo e fundit bëri në lidhje me çështjen e Unazës së Re. Deputetja e PD deklaronte se projekti i Unazës së Madhe ‘është një projekt korruptiv i Veliajt dhe kryeministrit Rama’, duke i akuzuar ata për ndryshimin e planit për përfitime personale.
Gjykata e shkallës së parë madje në vendimin e saj i kishte kërkuar zonjës Tabaku që krahas përgënjeshtrimit të deklaratës, të paguante edhe një gjobë prej 500 mijë lekësh si dhe shpenzimet gjyqësore e avokatore.
Më parë, Gjykata e Apelit i dha gjithashtu të drejtë kryebashkiakut Erjon Veliaj./Marrë me shkurtime nga vna.al/
Komente
