Ernest Muçi është 'thesari' i Legias së Varshavës në Poloni. Sulmuesi i Kombëtares pritet të jetë shitja më e shtrenjë e Legias, me mediet në Poloni që raportojnë se kryeqytetasit nuk e lënë të lirë për më pak se 7 milionë euro.
'Sport.tvp.pl' bën me dije se kërkesat për Muçin janë të shumta, me Fulhamin në Premier League që po ushtron presion. Sipas medies në fjalë, Legia nuk e lë të lirë Muçin për më pak se 7 milionë euro, duke dashur që ta bëjnë lojtarin më të shtrenjtë që kanë shitur.
Deri tani rekordin e mban portieri Radosław Majewski, që në vitin 2019 u transferua te AS Monaco për shtatë milionë euro. Për këtë fakt Muçi pritet të mos lihet i lirë për më pak, duke kujtuar se Legia pagoi vetëm 500 mijë euro në shkurtin e 2021 te Tirana për të blerë sulmuesin e Kombëtares.
